ABŞ hökumətində İranın nüvə silahı istehsal etməsi barədə sübut yoxdur

“Ölkə.Az” xəbər verir ki, bu barədə ABŞ hərbi kəşfiyyatının başçısı general-leytenant Vinsent Stüart bildirib. Onun sözlərinə görə, Amerika İranın nüvə silahı əldə etməmək barədə razılığı pozmasına tam əmin deyil.

“Mən İranın nüvə silahı əldə etməsi barədə hər hansı əlamətlər görmürəm. Bu səbəbdən də, hazırda İranın 2015-ci ildə əldə edilən razılaşmanı pozması barədə sübutlar olmadığını deyə bilərəm”, - deyə Vinsent Stüart vurğulayıb.

O, müqavilənin on il müddətində qüvvədə olduğunu xatırlatdıb. Vinsent Stüartın fikrincə, bu səbəbdən də, İranı həmişəlik nüvə silahından imtina etməyə məcbur etmək də olmaz. Vinsent Stüart həmçinin İranın razılaşma əldə olunandan sonra daha aqresiv hərəkətlər etməsi barədə deməyə də çətinlik çəkib.

Qeyd edək ki, 2015-ci il iyulun 15-də İranın atom-nüvə probleminin tənzimlənməsinə dair “altılıq” (ABŞ, Almaniya, Böyük Britaniya, Fransa, Rusiya və Çin) dövlətləri ilə İran arasında Əhatəli Razılıq sənədi imzlanıb.

Ziya Səccad
Ölkə.Az