ABŞ-ın addımına qarşı 3 ölkə hərəkətə keçdi — Hərbi təlimlər başlayır

ABŞ-ın addımına qarşı 3 ölkə hərəkətə keçdi
11:47
22.09.2019
2734
Siyasət
A
İran İslam İnqilabından sonra İran ilk dəfə olaraq regionun iki ən böyük dövləti ilə birlikdə hərbi təlimlər keçirəcək.

“Ölkə.Az” azərtac-a istinadən xəbər verir ki, bu barədə İran silahlı qüvvələrinin baş qərargahının beynəlxalq məsələlər idarəsinin rəisi Qədir Nizami məlumat verib.

O bildirib ki, yaxın gələcəkdə İran Çin və Rusiya ilə birlikdə Hind okeanı və Oman dənizində birgə hərbi təlimlər keçirəcək.

Onun sözlərinə görə, gələn həftə bir neçə region dövlətinin müdafiə nazirləri Tehranda görüşəcəklər. Digər qonşu dövlətlər də üçtərəfli təlimdə iştirak edə bilərlər.

Xatırladaq ki, adı çəkilən dövlətlər birgə hərbi təlim keçirmək razılığına, ABŞ-ın Yaxın Şərqdə hərbi kontingentinin sayını artırmaq qərarından sonra gəliblər.

Qeyd edək ki, Səudiyyə Ərəbistanının ən böyük - “Səud Aramco” neft zavodunun partladılmasından sonra ABŞ öz müttəfiqini qorumaq üçün Yaxın Şərqdəki hərbi bazalarını möhkəmləndirmək qərarına gəlib. Bu barədə ABŞ Prezidenti Donald Tramp bəyanatla çıxış edib.

Artıq bir ilə yaxındır ki, ABŞ Fars körfəzində, Hind okeanında və Oman dənizində ticarət gəmilərinin və neft tankerlərinin təhlükəsizliyini təmin etmək məqsədi ilə koalisiya yaratmağa cəhd edir. Dünən Birləşmiş Ərəb Əmirlikləri də bu koalisiyaya qoşulduğunu bəyat etdi. Bu günə kimi ABŞ-ın yaratdığı hərbi koalisiyaya Avstraliya, Səudiyyə Ərəbistanı, Böyük Britaniya, Fransa və Kanada qoşulub. Digər Avropa dövlətləri və Yaponiya bu ittifaqa qoşulmaqdan imtina ediblər.

Beləliklə, aydın olur ki, ABŞ-ın Hind okeanında hərbi fəallığı yalnız İranın deyil, Çin və Rusiyanın da maraqlarına toxunur. Odur ki, bu dövlətlər də ABŞ-ın bu istiqamətdəki addımına qarşı əks addım atırlar.

Hadisələrin bu şəkildə inkişaf etməsini şərh edən ABŞ-ın və Avropanın bir sıra mətbuat orqanları müharibəyə hazırlıq işlərinin getdiyini qeyd edirlər. “Nyu-York times” yazır ki, artıq Pentaqon Prezident D.Trampa müharibə planını təqdim edib. Prezident də məhz bu plana əsaslanaraq, ABŞ-ın Yaxın Şərqdəki hərbi bazalarını gücləndirir. İranın mövqeyi isə ondan ibarətdir ki, regionun dəniz sularında təhlükəsizliyi yalnız region dövlətləri təmin edə bilər. Uzaqdan bu regiona edilən müdaxilə isə onsuz da gərgin olan vəziyyəti daha da ağırlaşdırar. Eyni zamanda, rəsmi Tehran onu də bəyan edib ki, İran müharibə istəmir. Lakin İrana qarşı hər hansı bir hərbi xarakterli təxribat hərəkətlərinə yol verilsə, İran ordusunun cavabı ağır olacaq.

Ölkə.Az

ŞƏRH YAZ
0

“Hökumət qarşısında vəzifə qoymuşam” — İlham Əliyev

“Hökumət qarşısında vəzifə qoymuşam”
01:23
Bu gün
106
Siyasət
A
“Xarici dövlət borcumuz çox aşağı səviyyədədir - ümumi daxili məhsulun cəmi 17 faizini təşkil edir. Bu göstəriciyə görə biz dünya miqyasında doqquzuncu yerdəyik. Onu da bildirməliyəm ki, bizdən daha yaxşı nəticəsi olan ölkələrin bəziləri o ölkələrdir ki, onlara, ümumiyyətlə, xaricdən heç bir kredit verilmir. Ona görə də onların yüksək pillədə olması əlbəttə ki, obyektiv mənzərəni əks etdirmir”.

“Ölkə.Az” xəbər verir ki, bu sözləri dövlətimizin başçısı İlham ƏIiyev oktyabrın 15-də keçirilən iqtisadi müşavirədə söyləyib.

Prezident qeyd edib ki, biz dünya miqyasında xarici borcun aşağı səviyyəsinə görə qabaqcıl yerdəyik:

“Bunu bir daha demək istəyirəm, mən hökumət qarşısında vəzifə qoymuşam ki, biz xarici dövlət borcumuzu ildən-ilə azaldaq və gələn ilin büdcəsində bu, nəzərdə tutulur”.

İlham Əliyev sözlərinə əlavə edib ki, inflyasiya çox aşağı səviyyədədir, 2 faizdən bir qədər çoxdur:

“Nəzərə almalıyıq ki, bu il çox ciddi və böyük sosial paket reallaşdı - 4 milyon 200 mindən çox insanın maddi vəziyyəti yaxşılaşdı, pensiyalar, əməkhaqları, müavinətlər artırıldı. Yəni, bu məqsədlər üçün milyardlarla manat vəsait xərclənib və bu vəsait sosialyönümlü istiqamətə nəzərdə tutulurdu. Buna baxmayaraq, inflyasiya çox aşağı səviyyədədir. Bu, çox yaxşı göstəricidir. Əhalinin gəlirləri yenə də inflyasiyanı əhəmiyyətli dərəcədə üstələyir”.

Ölkə.Az

ŞƏRH YAZ
0

“Şişirdilmiş rəqəmlər versələr, öz cəzalarını alacaqlar” — İlham Əliyevdən dövlət qurumlarına XƏBƏRDARLIQ

“Şişirdilmiş rəqəmlər versələr, öz cəzalarını alacaqlar”
22:57
16.10.2019
601
Siyasət
A
“Gələn ilin büdcəsi ilə əlaqədar tapşırıqlar verildi. Hökumət üzvləri artıq neçə vaxtdır ki, işləyirlər. Deməliyəm ki, gələn ilin büdcəsi həm sosialyönümlü, həm də investisiyayönümlü olmalıdır. Biz gələn il də ciddi sosial proqramlar icra edəcəyik, əhalinin yaşayış səviyyəsini yaxşılaşdırmaq üçün önəmli addımlar atılacaq, infrastruktur layihələrinin icrası ilə əlaqədar kifayət qədər vəsaitimiz olmalıdır”.

“Ölkə.Az” xəbər verir ki, bunu Prezident İlham Əliyev oktyabrın 15-də Azərbaycan Respublikasının Prezidenti yanında iqtisadi müşavirədə dilə gətirib.

Dövlət başçısı bildirib ki, gələn ilin xərclərinə çox böyük diqqətlə baxılmalıdır:

“Burada şəffaflığı tam təmin etmək üçün hökumət gərək təkliflər versin. Tezliklə, ilin sonuna qədər bu təkliflərə baxılacaq. Beləliklə, əminəm ki, biz eyni həcmdə olan işi az vəsaitlə icra edə bilərik. Buna nail olmaq üçün, ilk növbədə, şəffaflıq, dövlət nəzarəti və ictimai nəzarət olmalıdır. Bütün dövlət qurumlarına deyirəm, yoxsa onlar pis öyrəşiblər.

Hər ilin sonunda büdcə müzakirə olunarkən, sifarişlər göndərirlər. Özü də orada şişirdilmiş rəqəmlər öz əksini tapır, havadan götürülmüş rəqəmlər. Onlardan soruşanda ki, misal üçün bənd tikmək, yol çəkmək, kabel çəkmək bu qədər vəsait barədə rəqəmi haradan götürürsən!? Havadan. Sonra araşdırma aparılır, görünür ki, şişirdiblər. Nəyə görə şişirdiblər? Aydın məsələdir nəyə görə. Buna da son qoyulmalıdır.

Ona görə Maliyyə Nazirliyi, İqtisadiyyat Nazirliyi, - bunu təkcə onların boynuna atmaq olmaz, - hökumət də nəzarətçi kimi şişirdilmiş bütün o rəqəmləri təhlil etsinlər və real rəqəmləri müəyyənləşdirsinlər. O rəqəmləri verənlər gərək məsuliyyət daşısınlar.

Əgər bu dəfə bizim dövlət qurumlarımız, şirkətlərimiz yenə də şişirdilmiş rəqəmlər versələr, artıq özlərini ifşa etmiş olacaqlar. Hökumət, əlbəttə ki, onların bütün təkliflərinə baxacaq. Amma onlar əgər şişirdilmiş rəqəmləri versələr, öz cəzalarını alacaqlar. Ona görə zəhmət çəkib normal işləsinlər və pis vərdişlərdən əl çəksinlər.

Beləliklə, biz büdcəyə böyük qənaət edərik, maaşların, pensiyaların artırılmasına imkan yaradarıq və şəffaflığı təmin edə bilərik. Ona görə qarşıdakı həftələr ərzində gələn ilin büdcəsinin parametrləri ilə əlaqədar çox fəal iş aparılmalıdır. Bugünkü müşavirə, o cümlədən, bu məsələyə həsr olunub. Ona görə istərdim ki, indi burada gələn ilin büdcəsi ilə əlaqədar fikirlər və təkliflər səslənsin”.

Ölkə.Az

ŞƏRH YAZ
0
BAĞLA