ABŞ-ın Azərbaycandakı səfiri Robert Sekuta Gəncəyə səfər edib — FOTO

ABŞ-ın Azərbaycandakı səfiri Robert Sekuta Gəncəyə səfər edib
12:16
19.06.2017
152
Ölkə
A

Səfir Gəncə şəhər İcra Hakimiyyətinin başçısı Elmar Vəliyevlə görüşüb. Elmar Vəliyev səfiri salamlayaraq, Azərbaycanın ikinci böyük şəhəri Gəncənin sənaye potensialı, mədəniyyəti, şəhərdə aparılan abadlıq-quruculuq işləri və yeni layihələr haqqında məlumat verib.

Gəncədə Amerika hökümətinin dəstəyi ilə inşa edilən meydançalara və gələcək əməkdaşlığa görə təşəkkür edib.

ABŞ səfiri səmimi qarşılanmaya görə təşəkkür edib. Bildirib ki,  görüşdən öncə Nizami məqbərəsi və Nizami muzeyini ziyarət edib. 

Səfir bildirib ki, Gəncəyə səfərinin məqsədi şəhərin mərkəzi kitabxanasınada “Amerika güşəsi”nin yenidən açılış tədbirində iştirak etmək, Birləşmiş Ştatların beynəlxalq inkişaf agentliyi tərəfindən Gəncədə həyata keçirilən yardım proqramları ilə bağlı ətraflı fikir mübadiləsinin aparılmasıdır. Səfir vurğulayıb ki, bu güşə azərbaycanlılara Amerika ilə təmas qurmaq, vacib bacarıqlar əldə etmək və dil öyrənmək baxımından əhəmiyyətli bir məkandır.

ABŞ-ın Azərbaycandakı səfiri Robert Sekuta  Gəncə şəhərində məcburi köçkünlərin həyat şəraiti ilə də maraqlanıb. Gəncə şəhərinə səfərlərində onlarla bir neçə dəfə görüşdüyünü deyib.

Gəncə şəhər İcra Hakimiyyətinin başçısı Elmar Vəliyev bildirib ki, Gəncədə məcburi köçkünlər üçün iki qəsəbə salınıb. Birinci qəsəbəyə 1600-ə yaxın ailə , ikinci qəsəbəyə isə 700 ailə köçürülüb. Dövlət tərəfindən onlar üçün bütün lazımi şərait yaradılıb. Onlar daima dövlətin dəstək və qayğısı ilə əhatə olunurlar.

Sonda qarşılıqlı olaraq xatirə hədiyyələri təqdim olunub.

Ölkə.Az

ŞƏRH YAZ
0

Dövlət qulluğuna qəbul olmaq istəyənlərin NƏZƏRİNƏ

Dövlət qulluğuna qəbul olmaq istəyənlərin NƏZƏRİNƏ
10:40
Bu gün
291
Ölkə
A
Dövlət qulluğuna qəbul olmaq istəyən şəxslərin müsabiqənin test imtahanı mərhələsinə hazırlaşmalarına kömək məqsədilə növbəti sınaq imtahanı keçiriləcək.

Dövlət İmtahan Mərkəzinin (DİM) mətbuat xidmətindən "Ölkə.Az"a verilən məlumata görə, sınaq imtahanı AA, AB, AC, BA, BB qrupları üzrə 2 fevralda baş tutacaq.

İmtahan saat 10:00-da başlayacaq. Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər.

Qeyd olunan imtahanda iştirak etmək üçün online qeydiyyat 2 fevral tarixində saat 9:00-da başa çatacaq. Qeydiyyatdan keçmək üçün bu keçidə daxil olmaq lazımdır.

Sınaq imtahanında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. Sınaq imtahanında iştirak etmək üçün ödənişin məbləği 30 manatdır. “Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilmişdir) yararlanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanlarında iştirak etmək üçün DİM-in saytında online qeydiyyatdan keçmək lazımdır.

ŞƏRH YAZ
0

"Savaşçı" Mübariz İbrahimovdan bəhs etdi — VİDEO

10:28
Bu gün
778
Ölkə
A
Türkiyənin "Fox" TV telekanalında yayımlanan “Savaşçı” serialında Azərbaycanın Milli Qəhrəmanı Mübariz İbrahimovdan bəhs edilib.

"Ölkə.Az" xəbər verir ki, serialın yanvarın 21-də yayımlanan böümündə əsgərlərdən biri Mübariz İbrahimovu tanımayan yoldaşına onun qəhrəmanlığından danışır:

"Sən necə Mübariz İbrahimovu tanımırsan? O, Azərbaycanın qəhrəmanıdır. Təsəvvür edirsən, bu insan tək başına düşmən tərəfə keçib. Öncə postu ələ keçirib və 24 saat – öz yoldaşlarına şəhid olana qədər vuruşub, 50 nəfəri öldürüb. Əsl əfsanə budur. Mübariz əsl əfsanədir".

ŞƏRH YAZ
0
BAĞLA