ABŞ-ın ən yaşlı eks prezidenti xəstəxanadan çıxdı

"Ölkə.Az" xəbər verir ki,  Hyuston xəstəxanasında müalicə alan C.Buşun həyatı təhlükəsi olmadığı üçün onu evə buraxıblar.

Evə buraxılmasına baxmayaraq, C.Buşun ciddi pəhriz saxlamağı və daim həkim nəzarətində olmağı tapşırılıb. 92 yaşlı keçmiş siyasətçini təcili yardım vasitəsilə evə çatdırıblar. Onun bir müddət ev şəraitində müalicə olacağı deyilir.

“Hazırda xəstənin həyatı təhlükəsi yoxdur. Lakin xəstəliyin tam vücuddan təmizlənmədiyi məlumdur. Sadəcə onun ev şəraitində müalicə olunması məsləhət bilinib”, - deyə xəstəxanadan bildirilib.

Qeyd edək ki, C.Buş yanvar ayının əvvəllərindən pnevmoniyadan əziyyət çəkir. Onun həyat yoldaşı Barbaraya da kəskin öskürək və ciyərlərinin soyuqlaması diaqnozu qoyulub.

Xatırladaq ki,C.Buş 1989-1993-cü illərdə Abş rəhbərliyində olub. Corc Buş hazırda həyatda olan ABŞ eks-prezidentlərinin ən yaşlısıdır.

Ziya Səccad
Ölkə.Az