ABŞ-ın ən zəngin qadınları arasında türk də var
"Ölkə.Az" xəbər verir ki, siyahının 16-cı pilləsində türk iş qadını Eren Özmen də var.
"Forbes" jurnalı əri ilə birlikdə "Sierra Nevada Corporation" şirkətinin sahibi olan Eren Özmeni bu il sərvətini miras yolu ilə deyil, sıfırdan iş həyatına başlayıb milyarder olan zəngin qadın iş adamları siyahısına əlavə edib.
Özmen NASA-nın kosmosa insan və karqo daşıyacaq kosmik gəmi inşa etmək səlahiyyəti verdiyi üç şirkətdən biri olan "SNC"dən qazandığı sərvətlə bu siyahıya daxil edilib.
Şirkət bundan başqa dünyanın yeniliklərlə dolu ən yaxşı 10 şirkətindən biri seçilib. 1994-cü ildə "SNC" Özmen ailəsi tərəfindən 20 əməkdaşı ilə birlikdə alınıb. Şirkət özü isə 1963-cü ildə Nevada ştatında qurulub. Qısa müddətə şirkətdə çalışanların sayı 3000-ə çatıb.
Siyahının birinci pilləsində "Little Caesars" və "Detroit Red Wings" şirkətlərinin sahibi marian Llitç 5.1 milyard dollarlıq sərvəti ilə qərarlaşıb. İkinci pillədə "Respublikaçılar" partiyasının ən böyük dəstəkçilərindən biri, 4.9 milyard dollar sərvəti olan Dayana Hendriks var.
2.9 milyard sərvəti olan Ofra Vinfrey və 2.9 milyard dollar sərvəti olan Cud Lav üçüncüdür.
Hikmət
Ölkə.Az
