ABŞ-ın iki idmançısı himn səslənərkən etiraz edib — VİDEO

ABŞ-ın iki idmançısı himn səslənərkən etiraz edib
08:12
13.08.2019
1166
İdman
A
Perunun paytaxtı Limada keçirilən Pan Amerikan Oyunlarında iki ABŞ idmançısı öz ölkələrinin dövlət himni səslənən zaman etiraz edib.

"Ölkə.Az" bildirir ki, komanda yarışlarında qızıl medal qazanmış qılıncoynadan Reys İmboden ABŞ himni səslənən zaman dizi üstə oturub.

26 yaşlı Rio Olimpiadasının bürünc mükafatçısı "Twitter"də bunu ölkəsinin siyasətinə etiraz əlaməti olaraq etdiyini bildirib: "Biz dəyişikliyə çağırmalıyıq. ABŞ komandasını Pan Amerikan Oyunlarında təmsil etmək şərəflidir. Evə komanda yarışlarından qızıl və fərdi yarışdan bürünc medalla qayıdıram. Ancaq qürurum mənim üçün çox əziz olan ölkəmin çoxsaylı nöqsanları – irqçilik, silah nəzarəti, immiqrantlarla rəftara görə sınıb".

Onu da bildirək ki, model fəaliyyəti ilə də məşğul olan İmboden 2017-ci ildə Misirdə keçirilmiş Dünya Kubokunda da komanda yoldaşı ilə birgə oxşar etiraza əl atımışdı.

Etiraz edən digər idmançı çəkicatan atlet Quen Beri olub. 30 yaşlı xanım idmançı himn səslənərkən yumruğunu yuxarı qaldırıb ki, bu da ölkəsinə etiraz əlaməti sayılır.

ABŞ Olimpiya və Paralimpiya Komitəsinin kommunikasiya üzrə vitse-prezidenti Mark Cons Reys İmbodenin cəzalandırılacağını bildirib. O vurğulayıb ki, idmançı öz siyasi baxışlarını ifadə etməkdə sərbəst olsa da, himn səslənərkən öz öhdəliyini yerinə yetirmədiyi üçün onları məyus edib.

Oxşar etirazlar 2016-cı ildən bəri artıb. ABŞ idmançıları öz ölkələrinin himni səslənərkən ya diz üstə çökür, ya da yumruqlarını qaldırırlar.

Amerikan futbolu üzrə oyunçu Kolin Kapernik 2016-cı ildə dizi üstə oturmaqla bu cür etiraza əl atan ilk idmançı olub. O, silahsız qaradərili insanların polis tərəfindən öldürülməsinə etiraz edib.

Amma bu etirazların tarixi daha əvvələ gedir. Belə ki, 1968-ci il Olimpiadasında isə 200 metr məsafəyə qaçışda qızıl medalçı Tomi Smit və bürünc medalçı Con Karlos irqçiliyə etiraz olaraq yumruqlarını qaldırıblar.

Ölkə.Az

ŞƏRH YAZ
0

Azərbaycan idmançısı vizaya görə yarışdan kənarda qalıb

Azərbaycan idmançısı vizaya görə yarışdan kənarda qalıb
23:30
21.01.2020
297
İdman
A
Karate millimizin aparıcı üzvlərindən olan Asiman Qurbanlının Fransanın paytaxtı Parisdə keçiriləcək Premyer Liqa yarışına yollana bilməməsinin səbəbinə aydınlıq gəlib.

"Ölkə.Az" oxu.az-a istinadən xəbər verir ki, ötən il Belarusun paytaxtı Minskdə baş tutmuş II Avropa Oyunlarının qalibi olan karateçimiz Şengen vizası açdıra bilməyib. Belə ki, Fransanın Bakıdakı səfirliyi +84 kq-da çıxış edən idmançımıza məlum olmayan səbəbdən viza açmaqdan imtina edib.

Digər karateçimiz Şahin Atamov üçün isə əvvəlcədən viza üçün səfirliyə müraciət edilməyib deyə, bu çəkidə idmançımız mübarizə aparmayacaq.

Həmçinin qadın karateçilərimizdən İlahə Qasımova və Fəridə Abiyevanın millimizlə yarışa aparılan heyətdə yer almaması da təsadüfi deyil. Hər iki karateçi son yarışlarda uğursuz nəticələri ilə yadda qaldıqlarından, federasiya artıq xərc çəkib onları yarışa aparmaq istəməyib. Çünki bu idmançıların Tokio Olimpiya Oyunlarına lisenziya qazanmaq şansları olduqca azdır.

Bununla belə, əldə etdiyimiz son məlumata görə, 2015-ci ildə Bakıda keçirilmiş I Avropa Oyunlarının bürünc mükafatçısı İlahə Qasımova şəxsi kolleksiyasında medal sayını artırmaq üçün yarışda iştirak edəcək. O, Parisə federasiya yox, öz hesabına gələcək.

Ölkə.Az

ŞƏRH YAZ
0

Ronaldunun bu görüntüsü sosial şəbəkəni bir-birinə vurdu — FOTO

Ronaldunun bu görüntüsü sosial şəbəkəni bir-birinə vurdu
21:30
20.01.2020
2006
İdman
A
“Yuventus” klubunun forvardı Kriştianu Ronaldu qarşılaşmanın 58-ci dəqiqədə “Parma”nın qapısına vurduğu qoldan sonra ona ötürmə verən komanda yoldaşı Paulo Dibalanı qucaqlamaq istəyərkən kurioz hadisə yaşanıb. Belə ki, qolun sevincini yaşayarkən onların üzləri toqquşub və təsadüfən öpüşüblər.

"Ölkə.Az" bildirir ki, bu barədə life.ru xəbər verib. Bildirilib ki, həmin an kameraların obyektivinə düşüb.

Qeyd edək ki, sözügedən görüntü bir anda bütün sosial şəbəkələrdə yayılıb və böyük müzakirələrə səbəb olub. 

Xatırladaq ki, “Yuventus” - “Parma” qarşılaşması 2:1 hesabı ilə başa çatıb. Ronaldu oyunda dubl edib. oxu.az

ŞƏRH YAZ
0
BAĞLA