ABŞ-ın müdafiə nazirindən Türkiyə ilə bağlı ilginc açıqlama
“Ölkə.Az” xəbər verir ki, amerikalı nazir jurnalistlərə açıqlamasında bildirib ki, ABŞ ordusu Türkiyə ilə terrorla mübarizədə birgə əməkdaşlığını davam etdirəcək.
“Biz Türkiyə ordusu ilə birgə mübarizəni davam etdirəcəyik. Türkiyə NATO ölkəsidir. Bundan başqa, Türkiyə ordusunun terrorla mübarizədə böyük təcrübəsi var. Bu səbəbdən də, Türkiyə hərbçilərilə birgə keçirilən bütün əməliyyatlar uğurlu olub. Diplomatik böhranın hərbi tərəfdaşlığa heç bir təsiri yoxdur”, - deyə C.Mattis bildirib.
Qeyd edək ki, ABŞ hökuməti oktyabrın 8-dən Türkiyədən edilən viza müraciətlərini təxirə salıb. Bu barədə ABŞ-ın səfiri dünən Tvitter hesabında açıqlama verib. Açıqlamada deyilir: “Türkiyədəki bütün ABŞ diplomatik korpuslarındakı miqrant olmayan viza xidmətləri ləğv edilib”.
Ziya Səccad
Ölkə.Az