ABŞ-ın sabiq vitse prezidentinə RÜŞVƏT İTTİHAMI
ABŞ-ın sabiq vitse-prezidenti Co Bayden Ukraynadan lobbizm fəaliyyətinə görə 900 min dollar alıb.
“Ölkə.Az” “interfax-ukrayna”ya istinadən xəbər verir ki, bunu Ukrayna Ali Radasının deputatı Andrey Derqaç deyib.
Deputatın sözlərinə görə, C. Bayden lobbizm fəaliyyəti üçün oğlunun işlədiyi “Burisma Holdings” Ukrayna şirkətindən 900 min dollar alıb: “900 min dollar “Rosemont Seneca Partners” ABŞ şirkətinin hesabına köçürülüb. Bu pullar məsləhət xidmətinə görə ödənilib”.
Deputat Baydenin köçürülən pulları əldə edilməsi mexanizmi ilə bağlı sənədləri də nümayiş etdirib. Ukraynalı parlamentari pulun nə zaman köçürüldüyü barədə bir söz deməyib.
Qeyd edək ki, Bayden 2009-2017-ci illərdə ABŞ-ın vitse-prezidenti olub.Onun oğlu Hanter isə 2014-cü illdən etibarən “Burisma Holdings”də işləməyə başlayıb.
Ölkə.Az