ABŞ-ın Şimali Koreya açıqlaması
ABŞ-ın müdafiə naziri Ceyms Matis Şimali Koreya ilə bağlı yeni açıqlama verib.
"Ölkə.Az" xəbər verir ki, Pentaqon rəhbəri Şimali Koreya ilə müharibənin Çin və Rusiya da daxil olmaqla bütün bölgəni fəlakətə sürükləyəcəyini bildirib.
Şimali Koreyanın bölgədə Cənubi Koreya və Yaponiyaya təhlükə yaratdığını qeyd edən nazir diplomatik görüşlərin uğursuz alınacağı təqdirdə bölgənin müharibəyə sürüklənəcəyini bildirib. Bu isə Çin və Rusiya ilə yanaşı bütün regionu fəlakətə sürükləyəcək.
Qeyd edək ki, Şimali Koreya bu gün səhər saatlarında yeni bir ballistik raketi sınaqdan keçirib. Qısa mənzilli raket 450 km uçduqdan sonra Yaponiya sahillərində dənizə düşüb. Yaponiya hökumətinin mətbuat xidməti bildirib ki, raket Sado və Oki adaları arasında dənizə düşüb.
Hikmət
Ölkə.Az
