ABŞ-ın Suriyada son hədəfi — Rakkanın azad edilməsi

ABŞ-ın Suriyada son hədəfi
16:31
17.10.2017
199
Dünya
A
Rəsmi Vaşinqton oktyabrın sonuna qədər Rakkanı İŞİD terrorçularından tamamilə təmizləmək niyyətindədir.

 "Ölkə.Az" xəbər verir ki, şəhər azad edildikdən sonra ABŞ-ın növbəti fəaliyyəti barədə dəqiq plan yoxdur.

"NBC" kanalının xəbərinə əsasən, ABŞ prezidentinin administrasiyası Suriyadakı əməliyyat planı üzərində işi bitirməyib. Çünki Suriyada hakimiyyətin kimə ötürülməsi barədə fikir ayrılığı var.

ABŞ-ın BMT-dəki daimi nümayəndəsi Nikki Heyli də daxil olmaqla konservatorlar Bəşər Əsədin hakimiyyətdən getməsini istəyirlər. Digər tərəf isə Suriyanın "regionun əhəmiyyətli hissəsini udacaq qara dəliyə çevrilməsinin" qarşısını alacaq yeganə adamın Bəşər Əsəd olduğunu deyir.

Bundan başqa ABŞ şərqi Suriyaya nəzarətin Dəməşqə və ya İrana qayıtmasının qarşısını almalıdır.

Hərbi və diplomatik müşavirlər administrasiyaya Türkiyə ilə korlanan münasibətlərlə bağlı tədbirlər görməyi məsləhət görürlər. Çünki rəsmi Ankara ilə zəifləyən münasibətlər ABŞ-ın maraqlarına cavab vermir.

Hikmət Həsənov
Ölkə.Az

ŞƏRH YAZ
0

Amerikalı milyarder Corc Sorosa sui-qəsd

Amerikalı milyarder Corc Sorosa sui-qəsd
10:55
Bu gün
300
Dünya
A
Amerikalı milyarder Corc Sorosun Nyu-Yorkdakı evinin poçt qutusunda partlayıcı maddə tapılıb.

"Ölkə.Az” xəbər verir ki, Sorosun evdə olmadığı vaxt göndərilən partlayıcı maddə dolu paket mütəxəssislər tərəfindən zərərsizləşdirilib. Corc Soros Demokratlar partiyasını dəstəklədiyi üçün ifrat sağ görüşlü qrupların hədəflərindən birinə çevrilib.

Nyu-York polisi və FBİ xəfiyyələrinin axın etdiyi evdən verilən məlumata görə, Sorosun işçilərindən biri poçt qutusuna qoyulan paketi yoxlayıb. Paketin içində partlayıcı maddə olduğunu başa düşən şəxs onu meşə ərazisinə aparıb və polisə xəbər verib. Hazırda istintaqla FBİ məşğul olur.

Hikmət Həsənov
Ölkə.Az

 

ŞƏRH YAZ
0

Ərəb jurnalistin ölüm əmrini şahzadənin müşaviri verib: “O itin başını mənə gətirin”

Ərəb jurnalistin ölüm əmrini şahzadənin müşaviri verib: “O itin başını mənə gətirin”
10:14
Bu gün
1029
Dünya
A
Ərəb jurnalist Camal Kaşıkçının ölüm əmrini Səudiyyə Ərəbistanı şahzadəsi Salmanın müşaviri Kahtani verib.

“Ölkə.Az” xəbər verir ki, “Reuters”in xəbərinə əsasən, “Skype”la baş konsulluğa zəng edən Kahtani əvvəlcə Kaşıkçını təhqir edib, sonra isə “Bu itin başını mənə gətirin” əmrini verib. İddiaya görə “Skype” danışıqlarının səsyazısı Türkiyə hökumətindədir.

“Washington Post” qəzetinin müxbiri yazır ki, şahzadənin müşaviri Suud əl Kahtani Kaşıkçının ölüm əmrini vermək üçün 2 oktyabrda konsulluğa “Skype” vasitəsilə zəng edib. “Reuters”in məlumatına əsasən, Kahtani Camalı təhqir edib sonra isə ölüm dəstəsinə “bu itin başını mənə gətirin” əmrini verib.

Vəliəhd şahzadə Salmanın müşaviri Suud əl Kahtani vəliəhdin müxaliflərə təhdid üçün  Tvitterdə qurduğu trol ordusunun rəhbəridir. 3 min dollar maaş alan yüzlərlə trol kimə hücum etmək, hansı mövzuda tvit atmaq üçün gündəlik ondan təlimat alırlar.

Hikmət Həsənov
Ölkə.Az

ŞƏRH YAZ
0
BAĞLA