ABŞ-ın yeni xarici işlər naziri Mayk Pompeo kimdir? — 5 MARAQLI FAKT

ABŞ-ın yeni xarici işlər naziri Mayk Pompeo kimdir?
22:35
13.03.2018
3700
Dünya
A
Reks Tillersonun yerinə vəzifəyə gələn ABŞ Mərkəzi Kəşfiyyat İdarəsinin (CIA) direktoru Mayk Pompeo Şimali Koreya və İran mövzusunda sərt mövqeyi ilə seçilir.

“Ölkə.Az” xəbər verir ki, ABŞ prezidenti Donald Trampın Tillersonun yerinə Pompeonu gətirməsini açıqlamasından dərhal sonra “Reuters” yeni xarici işlər naziri haqqında 5 önəmli fakt açıqlayıb.

- 54 yaşındakı Mayk Pompeo Donald Trampa mütəmadi olaraq kəşfiyyat məlumatları haqqında hesabat verir. Pompeo Trampın yaxın ətrafı arasında Şimali Koreya mövzusunda ona ən çox dəstək verənlərdəndir.

- Pompeo Rusiyanın ABŞ-dakı 2016-ci il seçkilərinə müdaxiləsini önəmsiz sayır. Onun fikrincə, rəsmi Moskva uzun illərdir ki, ABŞ-dakı seçkilərə təsir etmək istəyir.

- Pompeo və Trampın fikirlərinin üst-üstə düşdüyü daha bir mövzu İrandır. Yeni nazir eynilə Tramp kimi 2015-ci ildə imzalanan nüvə müqaviləsinin ləğv edilməsini müdafiə edir. Pompeo, müqavilənin İrana bölgədə “ədalətsiz formada artan hegemon güc” verdiyini düşünür.

- Pompeo ABŞ vətəndaşları haqqında bütün məlumatların toplanılması tərəfdarıdır. O, 2016-cı ildə verdiyi açıqlamada telefon danışıqlarından tutmuş, şəxsi məlumatlaradək bütün bilgilərin vahid mərkəzdə toplanmasının vacibliyini bildirmişdi.

- Trampın prezident olması ilə Mərkəzi Kəşfiyyat İdarəsinin rəhbəri olan Mayk Pompeo ondan qabaq Nümayəndələr Palatasında respublikaçıların Kanzas nümayəndəsi olub. Təqüdçü zabit olan Pompeo, “West Point” Hərbi Akademiyasının və Harvard Universitetinin Hüquq fakültəsinin məzunudur.

Ölkə.Az

ŞƏRH YAZ
0

Vyetnamın prezidenti vəfat etdi

Vyetnamın prezidenti vəfat etdi
09:45
Bu gün
238
Dünya
A
Vyetnamın prezidenti Çan Day Kuanq vəfat edib.

“Ölkə.Az” xəbər verir ki, bu barədə “Frans Press” agentliyi məlumat yayıb.

Məlumata əsasən, prezident Bakı vaxtı ilə 07:05 radələrində gözlərini əbədi olaraq yumub.

Çan Day Kuanq 12 oktyabr 1956-cı ildə Vyetnamın şimalındakı Ninbin əyalətində anadan olub. Karyerasına daxili işlər nazirliyində başlayıb. Sonradan isə milli təhlükəsizlik nazirliyinə keçib. Bir müddət sonra isə Vyetnamın milli təhlükəsizlik naziri olub. 2016-cı ildə isə prezident seçilib.

Hikmət Həsənov
Ölkə.Az

ŞƏRH YAZ
0

Telman İsmayılovun qardaşı oğlu həbs edildi — Avraam Russonu oğurlamaqda ittiham edilir

Telman İsmayılovun qardaşı oğlu həbs edildi
21:29
20.09.2018
1378
Dünya
A
Çerkizov bazarının sabiq rəhbəri Zaur Mərdanov həbs edilib.

“Ölkə.Az” Rusiya mətbuatına istinadən xəbər verir ki, Moskvanın Basmannı rayon məhkəməsinin qərarı ilə onun barəsində 2 ay müddətinə həbs qərarı seçilib.

Z. Mərdanov müğənni Avraam Russonu oğurlamaqda ittiham edilir. 

Məlumat üçün bildirək ki, o, azərbacanlı iş adamı Telman İsmayılovun qardaşı oğludur.

Qeyd edək ki, rusiyalı müğənni Avraam Russo bir müddət əvvəl hüquq-mühafizə orqanlarına müraciət etmişdi. Bildirmişdi ki, onu 2004-cü ildə biznesmen Telman İsmayılovun sifarişinə əsasən oğurlayıb və döyüblər. 

Ehtimal olunur ki, Telman İsmayılov sənətçini oğurlatdıraraq ondan bütün konsertlərini ləğv etməsini, gələcəkdə yalnız iş adamı və onun qonaqları üçün çıxış etməsini istəyib.

O, Russonun oğurlanması üçün Mərdanovu və ətrafında olan daha 5 nəfəri bu işə cəlb edib.

 

Ölkə.Az

ŞƏRH YAZ
0
BAĞLA