ABŞ kəşfiyyatının iddiası

"Ölkə.Az" xəbər verir ki, iddiaya əsasən Qətərin rəsmi xəbər agentliyi sayılan QNA-nın internet səhifəsinə haker hücumu edilib və bu hücum nəticəsində səhv məlumatlar yerləşdirilərək Qətər böhranının ortaya çıxmasının arxasında BƏƏ var.

İddiaya görə BƏƏ-nin yüksək çinli məmurları may ayında hazırlayıb təsdiqlədikləri plana görə bəzi şəxslər Qətərin QNA rəsmi xəbər agentliyinə haker hücumu təşkil ediblər. Hücumdan sonra Qətərin Şeyxi Təmim bin Hamad Əl Saniyə aid açıqlamalar yayımlanıb. Açıqlamalar ABŞ əleyhinədir və İranı dəstəkləyir. ABŞ kəşfiyyatı isə hücumun BƏƏ-yə işarə etdiyini iddia edir. 

BƏƏ-nin Vaşinqtondakı səfiri isə xəbəri təkzib edib. BƏƏ-nin xarici işlər naziri Ənvər Qargaş isə belə bir hücumun edilmədiyini bildirib.

Hikmət Həsənov
Ölkə.Az