ABŞ kosmik ordu yaradır
ABŞ prezidenti Donald Tramp ölkədə yeni növ silahlı qüvvə qurulacağını bildirib.
“Ölkə.Az” xəbər verir ki, yeni silahlı qüvvələr kosmosda müharibə aparmaq üçün nəzərdə tutulub.
Kaliforniya ştatındakı “Miramar” hərbi-hava bazasında çıxış edən ABŞ lideri qeyd edib ki, müasir reallıqlara nəzər salsaq, kosmik müharibələr qaçınılmazdır. Müharibələr yerdən kənarda, kosmosda davam edəcək.
“Mənim yeni milli kosmik strategiyamda kosmos yer, hava və dəniz kimi hərbi əməliyyatlar zonası kimi qəbul edilib. Bizim kosmik qüvvələrimiz olacaq”, - deyə Tramp bildirib.
Beləcə, ABŞ-ın 4 qoşun növü olacaq- hərbi hava, quru, dəniz donanması və kosmik.
Hikmət Həsənov
Ölkə.Az
