“ABŞ mətbuatında hər şey “başayaq”dır” — Putin qəzəbləndi

“ABŞ mətbuatında hər şey “başayaq”dır”
23:35
19.10.2017
349
Dünya
A
“ABŞ-ın Kütləvi İnformasiya Vasitələri, ümumilikdə Amerika mediası Rusiyaya qarşı qərəzli informasiyalar yaymaqdadır”.

“Ölkə.Az” xəbər verir ki, bu barədə Rusiya prezidenti Vladimir Putin “Valday” diskussiya klubunun toplantısında çıxışı zamanı bildirib. Onun sözlərinə görə, hazırda ABŞ mətbuatı “başayaq”dır.

“Rusiya mətbuatına nəzər saldıqda görərik ki, onun təsir gücü baş verən proseslərə daha çoxdur, nəinki ABŞ və Britaniya KİV-nin. Bütün dünya bilir ki, hansı ölkənin mətbuatı nə səviyyədədir. Onlar həmişə xarici ölkələrin daxili siyasətinə qarışırlar. Ümumiyyətlə ABŞ mətbuatını izləyəndə təəccüblənirəm. Orada hər şey “başayaq”dır”, - deyə Putin bildirib.

Ziya Səccad
Ölkə.Az

ŞƏRH YAZ
0

“Microsoft”un qurucusu vəfat etdi

“Microsoft”un qurucusu vəfat etdi
11:07
Bu gün
135
Dünya
A
“Microsoft” şirkətini Bill Qeyts ilə birlikdə quran Pol Allen vəfat edib.

“Ölkə.Az” xəbər verir ki, 65 yaşlı Allen xərçəng xəstəliyinə məğlub olub.

Pol Bili Harvard universitetindəki təhsilini yarımçıq qoymağa və dünyanın ən böyük şirkətini qurmaq üçün dilə tutan şəxs idi. Şirkət qurulduqdan sonra Pol 1993-cü ildə Qeyts ilə arasında çıxan anlaşılmazlığa görə şirkətdən ayrılmışdı. “Microsoft”un səhmlərinin böyük bir hissəsinin sahibi olan Allen tez-tez idman klublarını alır və yaxta kolleksiyası yığırdı. Pol illər ərzində milyardlarla dollar pulu xeyriyyə fondlarının hesabına köçürüb.

1988-ci ildə “Portland Trail Blazers” basketbol klubunu, 2014-cü ildə isə “Seattle Seahawks” futbol klubunu alıb. Çox sevdiyi musiqiçi Cimi Hendriks üçün isə xüsusi bir muzey hazırlatdırıb və bu layihəyə 250 milyon dollar xərcləmişdi.

Hikmət Həsənov
Ölkə.Az

ŞƏRH YAZ
0

Türk polisi Səudiyyə Ərəbistanı konsulluğunda axtarış aparacaq

Türk polisi Səudiyyə Ərəbistanı konsulluğunda axtarış aparacaq
19:31
15.10.2018
1708
Dünya
A
Türkiyə hökuməti İstanbul şəhərindəki Səudiyyə Ərəbistanı konsulluğunda axtarış aparacaq.

“Ölkə.Az” xəbər verir ki, axtarışa səbəb müxalif jurnalist Camal Kaşıkçının itkin düşməsidir. Türkiyənin NTV kanalının xəbərinə əsasən, axtarış üçün Ər-Riyaddan icazə alınıb.

Səudiyyə Ərəbistanı kralı Salman jurnalistin itkin düşməsi ilə bağlı daxili istintaqın aparılması barədə əmr verib:

“Kral prokurora Kaşıkçının itkin düşməsi barədə əldə edilən məlumat əsasında istintaq aparmaq barədə göstəriş verib. Bu məlumatlar İstanbuldakı müştərək qrupdan alınıb”.

Qeyd edək ki, jurnalist 2017-ci ildə Səudiyyəni tərk edib və ABŞ-da yaşamağa başlayıb. O, ABŞ mətbuatında Ər-Riyadı tənqid edən məqalələrlə çıxış edib. Oktyabr ayının əvvəlində Səudiyyə Ərəbistanının İstanbuldakı konsulluğuna yollanıb və yoxa çıxıb.

Hikmət Həsənov
Ölkə.Az

ŞƏRH YAZ
0
BAĞLA