ABŞ prezidentinin İsrail səfəri

"Ölkə.Az" xəbər verir ki, Tramp ABŞ-da müzakirələrə səbəb olan Rusiya ilə kəşfiyyat materiallarını bölüşmək məsələsinə dair şərh verib. Tramp Qərbi Qüdsdəki tarixi "King David Otel"də İsrailin baş naziri Binyamin Netanyahu ilə görüşüb. Donald deyib: "Ruslarla görüşəndə İsrailin adını çəkməmişəm".

ABŞ prezidenti İsrail prezidenti Reuven Rivlin ilə də görüşüb və mətbuat konfransı verib. Tramp İran ilə bağlı söylədiklərini yeniləyərək qeyd edib: "Buradan söyləyirəm, İran əsla nüvə silahına sahib olmayacaq".

Şərqi Qüdsdəki müqəddəs məkanları ziyarət edən prezident məmnun qalaraq deyib: "Ağlama Divarını ziyarət edən ilk ABŞ prezidenti olmaqdan şərəf duyuram".

İsrailin baş naziri isə kəşfiyyat materialları paylaşımının mükəmməl olduğunu vurğulayaraq Trampın İran siyasətindən məmnun qaldığını bildirib və ona təşəkkür edib.

Hikmət
Ölkə.Az