ABŞ prezidentlərinin ənənəsi dəyişir

"Ölkə.Az" xəbər verir ki, Trampın ilk səfəri Səudiyyə Ərəbistanına planlaşdırılıb. Bu günə qədər Ronald Reyqandan başlayaraq bütün prezidentlərin ilk xarici səfəri ya Meksikaya, ya da Kanadaya planlaşdırılmışdı. Tramp bu adəti pozaraq Səudiyyə Ərəbistanına səfər edir.

Vaşinqton və Ər-Riyad arasında münasibətlər Obamanın hakimiyyəti dövründə kəskinləşmişdi. Tramp bu münasibətləri normallaşdırmaq fikrindədir.
ABŞ prezidenti Səudiyyə Ərəbistanından İsrailə yollanacaq. Burada onun Masad qalasında çıxışı gözlənilirdi. Amma tədbir təxirə salınıb. Çünki İsrail hökuməti oraya helikopterlərin enməsinə icazə vermirlər, Tramp isə funikulyordan istifadə etməkdən imtina edib. Tramp həm də Fələstin muxtariyyaının prezidenti Mahmud Abbas ilə də görüşəcək.

Trampın növbəti dayanacağı Vatikan olacaq. Papa ilə görüşdükdən sonra ABŞ prezidenti Brüsselə, NATO ölkələri rəhbərlərinin qeyri-rəsmi görüşünə yollanacaq. Sonra isə İtaliyaya qayıdacaq və G7 ölkələrinin sammitində iştirak edəcək.

Hikmət
Ölkə.Az