ABŞ qırıcısı Yaponiya səmasında qəzaya uğradı
ABŞ hərbi hava qüvvələrinə məxsus “F-15” qırıcısı Yaponiyanın Okinava adasında qəzaya uğrayıb.
“Ölkə.Az” xəbər verir ki, təyyarə təlim zamanı Naxa şəhərindən 80 km məsafədə yerə çırpılıb. Qırıcı ABŞ-ın Kadena bazasına məxsusdur.
Təyyarənin pilotu katapulta vasitəsi ilə pilot kabinini vaxtında tərk edib. Onu bir müddət sonra Yaponiya müdafiə qüvvələri tapıb. Bildirilir ki, onun ayaqları sınıb. Amma həyatı üçün təhlükə yoxdur.
Məsələ ilə bağlı Yaponiyanın müdafiə naziri İtsunori Onoderu ABŞ-dan təhlükəsiz uçuş tələb edib. Çünki ABŞ qırıcıları bir neçə dəfə Okinava sahillərində qəzaya uğrayıb.
Hikmət Həsənov
Ölkə.Az
