ABŞ səfiri deputatları axmaq adlandırdı
Qvatemalada fəaliyyət göstərən ABŞ səfiri ölkənin bütün deputatlarını axmaq adlandırıb.
"Ölkə.Az" xəbər verir ki, bu barədə Amerika səfiri Todd Robinson jurnalistlərlə görüşərkən deyib. Onun sözlərinə görə, ölkənin millət vəkilləri nə barədə danışdıqlarını heç özləri də müəyyən edə bilmirlər.
Qeyd edək ki, Qvatemala Parlamentinin deputatları ABŞ lobbiçilik şirkətilə müqavilə bağlayıblar. Müqavilənin dəyəri ayda 80 min dollardır. T. Robinson isə bu barədə etirazını bildirəndə tənqid edilib. Deputatlar səfiri ölkənin daxili işinə qarışmaqda ittiham ediblər.
Todd Robinson isə öz növbəsində deputatları axmaq adlandırıb: “Parlamentdə 4 axmaq deputat var. Həmin şəxslərə qarşı heç bir hörmətim yoxdur. Düşünürəm ki, belə axmaqlar dövlətin maraqlarını təbliğ etməməlidir”.
Ziya Səccad
Ölkə.Az
