ABŞ Senatı Monteneqronun NATO-ya daxil olmasına razılıq verib
"Ölkə.Az" xəbər verir ki, ABŞ Senatı 97 lehinə, 2 əleyhinə səs olmaqla NATO-ya üzv olması ilə bağlı prokotolu yekdilliklə qəbul edib.
Protokolun əleyhinə səs verənlər respublikaçı senatorlar olan Rand Paul və Mayk Lidir. Paul bu addımının səbəbini belə açıqlayıb:
“Amerikalı maliyyəçilər nəyə görə 650 min əhalisi və 2 min nəfərlik ordusu olan bir ölkənin müdafiəsinin təşkili üçün pul ödəməlidirlər?”.
Digər tərəfdən isə ABŞ prezidenti Donald Trampın Senatın qərarını təsdiqləyib-təsdiqləməyəcəyi sual altındadır. Bununla yanaşı Rusiya Federasiyası da Natonun onun sərhədlərinə doğru yaxınlaşdığı barədə dəfələrlə öz narahatlığını bildirib.
Qeyd edək ki, Monteneqronun NATO-ya üzv qəbul edilməsi ilə bağlı proses 2009-cu ildən başlanıb. Əgər alyansa daxil olan 28 ölkə bu protokolu imzalasa, Monteneqro avtomatik olaraq və heç bir məhdudiyyət olmadan NATO-nun üzvünə çevriləcək.
Ziya Səccad
Ölkə.Az