ABŞ Şimali Koreyanı nə zaman bombalayacaq?

ABŞ Şimali Koreyanı nə zaman bombalayacaq?
20:48
20.04.2017
12
Dünya
A
ABŞ-ın BMT-dəki daimi nümayəndəsi Nikki Haley Şimali Koreyaya çağırış edib. ABŞ müharibə istəmir. Amma Şimali Koreya Birləşmiş Ştatları müharibə elan etməyə məcbur edir. Haley deyib: "Bizi buna məcbur etməyin".

Nikki bildirib ki, Şimali Koreyanın raket sınaqları dünyada gərginliyi artırır. Gərginliyin qarşısını almaq isə Şimali Koreyaya bağlıdır. ABŞ-ın Şimali Koreyaya dəfələrlə xəbərdarlıq etdiyini vurğulayan diplomat davam edib: "Bizim müharibə istəmədiyimizi Şimali Koreya bilməlidir. Bu səbəbdən bizi buna məcbur etməyin. Top onların sahəsindədir və bu nöqtədə oynamağa çalışmamalıdırlar".

Azərbaycanlı siyasətçilər düşünürlər ki, ölkələrin bir-birinə qarşılıqlı ittihamları hələ çox davam edəcək. Politoloq Adığözəl Məmmədov Ölkə.Az-a açıqlamasında bildirib ki, nə qədər də münasibətlərdə gərginlik olursa olsun. Amerika bəyan etdiyi kimi Şimali Koreyaya hücum etməyəcək. Onun sözlərinə görə, ABŞ hökuməti bu riskə getməyəcək.

“ABŞ Şimali Koreyaya nə hücum edəndir, nə də oranı bombalayandır. Şimali Koreyanın əldə etdiyi hərbi potensial imkan vermir ki, ABŞ ora hücum etsin”, - deyə Adığözəl Məmmədov bildirib.

Siyasətçi bildirib ki, Şimali Koreyanı da Amerikanın üstünə göndərən qüvvələr var:

“Şimali Koreyanı danışdıran geopolitik qüvvələr var. Bu qüvvələr Kreml və Pekindir. Onlar Şimali Koreya çubuğu ilə Tramp və onun komandasını hədələyir. Çünki Trampdan lazım olan gözləntiləri ala bilmirlər. Tramp oyundan kənar bəyanatlarla gözləntilərin əksinə olaraq addımlar atdı. Hazırda bu qüvvələrin oyunu ilə Trampı və onun komandasını nüfuzdan salmaq kampaniyasına başlanılıb”.

Politoloq deyir ki, ola bilər iki ölkə arasındakı münaqişə bir müddət davam etsin. Lakin bir müddətdən sonra ara sakitləşəcək və dövlətlər qarşılıqlı münasibətlrə siyasətinə qədəm qoyacaqlar:

“Bir müddət təzyiqlər olunacaq. Bu təzyiqlərdən sonra Tramp ona göstərilən yerdə oturacaq. Tramp sakitləşəndən sonra sülh oyunu başlayacaq. Qüvvələr qarşılıqlı şəkildə bir-birinin ərazisində səhnəciklər göstərişi başlayacaq”.

Ziya Saccad
Ölkə.az

ŞƏRH YAZ
0

Ərdoğanla Putin Afrindən danışdı

Ərdoğanla Putin Afrindən danışdı
00:23
Bu gün
574
Dünya
A
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

"Ölkə.Az" xəbər verir ki, ikitərəfli əlaqələrin də müzakirə olunduğu telefon danışığında Türkiyənin Afrində həyata keçirdiyi hərbi əməliyyat, o cümlədən Suriyadakı hadisələr haqqında fikir mübadiləsi aparılıb.

Prezident Ərdoğan “Zeytun budağı” əməliyyatında məqsədin Afrin bölgəsini PYD/YPG və İŞİD kimi terror təşkilatı ünsürlərindən təmizləmək olduğunu bildirib.

Türkiyənin milli təhlükəsizliyini zəmanət altına almağı hədəfləyən bu əməliyyatın Suriyanın siyasi birliyi və ərazi bütövlüyü baxımından da əhəmiyyətli töhfə olduğunu deyən Ərdoğan Suriya məsələsində Rusiya ilə birlikdə çalışmağa önəm verdiyini vurğulayıb.

Hər iki lider Soçidə keçiriləcək Suriya Milli Dialoq Konqresinin uğuru və siyasi həllinin önünün açılması üçün birgə səyləri davam etdirməkdə qətiyyətli olduqlarını diqqətə çatdırıblar.

Ölkə.Az

ŞƏRH YAZ
0

ABŞ kürd terrorçularına — XƏBƏRDARLIQ ETDİ

ABŞ kürd terrorçularına
22:54
23.01.2018
899
Dünya
A
ABŞ PYD/YPG terror təşkilatına xəbərdarlıq edib.

“Ölkə.Az” xəbər verir ki, bu barədə Pentaqon bəyanat yayıb. Vaşinqton terrorçulara  Suriyanın Afrin bölgəsinə doğru hərəkət etməməyi məsləhət görüb. Bəyanatda qeyd olunur ki, əgər bu xəbərdarlığa əməl edilməsə, ABŞ terrorçulara dəstəyini kəsəcək.

"Suriyanın şimal-şərqindəki PYD/YPG yaraqlıları Afrinə doğru hərəkət edəcəkləri təqdirdə ABŞ-ın dəstəyini itirəcəklər", - deyə açıqlamada bildirilir.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Əməliyyat zamanı Türkiyə 3 şəhid verib.

Ölkə.Az

ŞƏRH YAZ
0
BAĞLA