ABŞ Somalidə “Aş-Şabab” və İŞİD terrorçularını bombaladı
ABŞ Somalidə “Aş-Şabab” və İŞİD terror qruplaşmasının mövqelərinə hava zərbələri endirib.
“Ölkə.Az” xəbər verir ki, bu barədə ABŞ müdafiə nazirliyinin nümayəndəsi Rob Menninq bildirib. Onun sözlərinə görə, hava zərbələri nəticəsində 40-dan çox terrorçu məhv edilib.
“Bu gün “Aş-Şabab” və İŞİD terror qruplaşmasının Somalidəki mövqelərinə 5 hava zərbəsi endirib. Əməliyyat zamanı 40-dan çox terrorçu öldürülüb”, - deyə Rob Menninq qeyd edib.
Qeyd edək ki, “Aş-Şabab” silahlı qruplaşma “Əl-Qaidə” terror təşkilatına sadiq döyüşçülərdən ibarətdir. Qruplaşma 2008-ci ildə terror təşkilatı siyahısına daxil edilib.
Ziya Səccad
Ölkə.Az
