AXTAR

Axtarışın nəticələri

Bütün nəticələr
25 Sentyabr 2017

ABŞ Suriyanı bombaladı — Yenə terrorçular əvəzinə dinc sakinlər ölüb

ABŞ-ın rəhbərlik etdiyi beynəlxalq koalisiyanın Suriyanın Rəqqa və Deyr-əz-Zor yaşayış məntəqələrinə endirdiyi avia zərbələr nəticəsində ən azı 22 nəfər ölüb.

14.09.2017 00:01 Bölmə: Dünya Oxunma sayı: 205
A- A A+

“Ölkə.Az” xəbər verir ki, bu barədə yerli mətbuat məlumat yayıb. Məlumatda bildirilir ki, yerli sakinlər hava zərbələri nəticəsində Rəqqada 11 dinc sakinin öldüyünü bildiriblər. Onlar yaşayış evinə düşən bombanın qurbanı olublar. Deyr-əz-Zorda isə ölənlərin 11-i də bir ailənin üzvü olub.

Qeyd edək ki, beynəlxalq koalisiyanın keçirdiyi əməliyyatlarda dinc əhalinin öldürülməsi artıq adət halını alıb. Sonuncu dəfə, avqustun 21-də keçirilən əməliyyat zamanı Rakka şəhərində 42 nəfər dinc sakin həlak olub. Onlardan 19-u azyaşlı uşaqlardır. Zərbələr əsasən şəhərin şimal hissəsinə endirilib.Bundan əvəvl isə avqust ayının birində Suriyanın Deyr-əz-Zor vilayətinin bir neçə rayonuna təşkil edilən hava hücumu nəticəsində 60 nəfər həlak olmuşdu.

Xatırladaq ki, koalisiya qüvvələri 2014-cü ilin avqustundan 2017-ci ilin fevralına qədər 18,6 min aviazərbə endiriblər. Hava zərbələri nəticəsində 396 dinc sakin ölüb, minlərlə insan yaralanıb. ABŞ Silahlı Qüvvələrinin Mərkəzi Komandanlığı tərəfindən məlumatlar təsdiqlənib.

Ziya Səccad
Ölkə.Az

Partner Xəbər