ABŞ və Türkiyə tam hazırdır
ABŞ-ın vitse-prezidenti Mayk Pens və Türkiyənin baş naziri Binəli Yıldırım görüşüb.
“Ölkə.Az” xəbər verir ki, iki dövlət nümayəndisinin görüşü zamanı tərəflər arasında İŞİD-lə mübarizə və İrana dair məsələlər müzakirə olunub.
Bu barədə Ağ Evdən məlumat verilib. Məlumata görə, tərəflər İran hökumətinə nüvə silahı və balistik raket istehsalından vaz keçmək üçün təzyiqləri artırmaq məsələsini də müzakirə ediblər.
“Tərəflər İranın regionda stabilliyi pozmasına yol verməməyə dair razılığa gəliblər. Liderlər həmçinin İŞİD-ə qarşı mübarizədə birgə addımların gücləndirilməsi yollarını müzakirə ediblər”, - deyə məlumatda bildirilib.
Məlumatda qeyd edilib ki, Pens və Yıldırım hər iki ölkənin terrorizmlə mübarizə aparmağa tam hazır olduqlarını bildiriblər.
Ziya Səccad
Ölkə.Az
