ABŞ xəbərdarlıq etdi
"Ölkə.Az" xəbər verir ki, Tillerson Obama dövründə imzalanan nüvə müqaviləsinə tərəflərin uyğun hərəkət etdiyini qeyd edib. Amma nazir "İran nəzarətə götürülməsə, Şimali Koreyanın tutduğu yol ilə gedə bilər"- deyə əlavə edib.
ABŞ prezidenti Donald Tramp İranın nüvə müqaviləsinin nəzərdən keçirmək üçün Ağ Evə təlimat verib. Konqresə məktub ünvanlayan Tillerson isə qeyd edib ki, Ağ Ev təkcə 2015-ci ildə imzalanan müqavilənin gedişatını deyil, eyni zamanda İranın Orta Şərqdəki siyasətini də incələyir.
Nazir bildirib ki, rəsmi Tehran Livan, İraq, Suriya və Yəməndə ABŞ maraqları əleyhinə fəaliyyət aparır: "Geniş bir İran siyasəti, ölkənin yaratdığı bütün təhlükələrə qarşı tədbirlər alınmalıdır. Tramp administrasiyası İran siyasətini yenidən nəzərdən keçirəcək. Amma bu nüvə anlaşmasına aid deyil".
Hikmət
Ölkə.Az
