ABŞ YPG qruplaşmasına 700 milyon dollarlıq silah verdi — ŞOK İDDİA

ABŞ YPG qruplaşmasına 700 milyon dollarlıq silah verdi
12:20
14.09.2017
72
Dünya
A
ABŞ Suriyada İŞİD-ə qarşı vuruşan YPG və digər qruplaşmalara 700 milyon dollarlıq silah göndərib.

 "Ölkə.Az" xəbər verir ki, bu barədə iddia nüfuzlu "Foreign Policy" jurnalında səsləndirilib. ABŞ-ın yardımı kağız üzərində qanuni olsa da, beynəlxalq qanunlara uyğun deyil.

Mütəşəkkil cinayətkarlıq və korrupsiya layihəsi ilə Balkan araşdırmacı jurnalistlər ittifaqının məlumatlarına əsasən belə bir iddia səsləndirilib. İki qurumun hesabatına əsasən Pentaqon Suriyada İŞİD-ə qarşı mübarizə üçün aralarında YPG-nin də olduğu qruplaşmalara ümumi dəyəri 2.2 milyard dollarıq silah göndərəcək. Pentaqon kağız üzərində qanunlara uyğun iş görsə də, realda bu hadisə beynəlxalq qanunlara ziddir.
Səbəb isə ABŞ-ın rəsmi sənədlərdə hiyləyə əl atmasıdır. İddiaya əsasən silahları tədarük edən şirkətlər məhsulun hara və kimə gedəcəyini bilmir.
Hesabatı hazırlayan İvan Angelovski deyib: "Pentaqon silah aldığı ölkələri aldadır. Beynəlxalq qanunlara uyğun hərəkət etmir və silah ticarətinə nəzarət edən qanunun altını qazır".

Hikmət Həsənov
Ölkə.Az

ŞƏRH YAZ
0

“Zeytun budağı” əməliyyatında bir türk hərbçisi şəhid olub

“Zeytun budağı” əməliyyatında bir türk hərbçisi şəhid olub
00:48
Bu gün
452
Dünya
A
Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatında bir türk hərbçisi şəhid olub.

“Ölkə.Az” xəbər verir ki, bu barədə Türkiyə Silahlı Qüvvələrindən məlumat verilib.

Məlumata əsasən, əsgər Kilis vilayətinin Gülbala kəndində baş vermiş atışma zamanı ölüb. Türk hərbçilərilə İŞİD və YPG terror təşkilatının silahlıları arasında atışma zamanı yaralanan türk hərbçisi sonradan dünyasını dəyişib.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3.5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

Ölkə.Az

ŞƏRH YAZ
0

Türkiyə ABŞ-la əməkdaşlıq üçün şərtlərini açıqladı — VİDEO

Türkiyə ABŞ-la əməkdaşlıq üçün şərtlərini açıqladı
00:30
Bu gün
411
Dünya
A
Türkiyənin baş naziri Binəli Yıldırımın rəhbərliyilə nazirlərin toplantısı keçirilib.

“Ölkə.Az” xəbər verir ki, toplantıda çıxış edən Türkiyə baş nazirinin müavini Bəkir Bozdağ Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatından danışıb. O bildirib ki, türk hərbçilər əməliyyata uğurla başlayıblar.

“Dəfələrlə Türkiyənin Suriya ilə sərhədindən terrorçuların hücumuna məruz qalmışıq. PKK, PYD, YPG və İŞİD terrorçuları məhz Suriyanın Afrin bölgəsindən Türkiyə sərhədlərini keçərək ölkəmizə hücumlar ediblər. Onların törətdikləri terrorlarda vətəndşalarımız ölüb və yaralanıblar. Suriya hökuməti hazırda Afrin bölgəsinə nəzarəti itirib. Bu səbəbdən, bölgədə məskunlaşan terrorçular həm Suriyanı, həm Türkiyəni, həm də digər bölgələri təhlükə altında saxlayır. Türkiyə həmin təhlükəni dəf etmək üçün “Zeytun budağı” əməliyyatına başlayıb”, - deyə Bəkir Bozdağ bildirib.

Nazir müavini əlavə edib ki, Türkiyənin Suriyada ABŞ-la əməkdaşlıq etməsi üçün əsas şərt Birləşmiş Ştatlar tərəfindən kürd döyüşçülərinə silah tədarükünün dayandırılmasıdır. Onun sözlərinə görə, rəsmi Ankara Vaşinqtona dəfələrlə xəbərdarlıq edib ki, kürd silahlı birləşmələrinə silah verməsin.

"Əməkdaşlıq etməyimizin əsas şərti silah tədarükünün dayandırılması və verilən silahların geri alınmasıdır. Bunu öz müttəfiqlərimizdən gözləmək ən təbii haqqımızdır", - deyə B. Bozdağ bildirib.

Ölkə.Az

ŞƏRH YAZ
0
BAĞLA