Abşeronda qayın yeznəsini bıçaqladı
Xırdalanda yeznəsini bıçaqlanmaqda təqsirli bilinən Məlikməmmədov Yavər Rövşən oğlunun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Azər Paşayevin icraatına verilib.
Məhkəmənin hazırlıq iclası oktyabr ayının 18-nə təyin olunub.
Qeyd edək ki, hadisə bu il iyulun 21-də saat 13 radələrində Xırdalan şəhərində baş verib. 2001-ci il təvəllüdlü Yavər Məlikməmmədov yeznəsi 1991-ci il təvəllüdlü Ramin Muradxanovu aralarında yaranmış ailə münaqişəsi zəminində baş vermiş mübahisə zamanı bıçaqla vurub.
Hüquq-mühafizə orqanları tərəfindən Y. Məlikməmmədov saxlanılıb, ona Cinayət Məcəlləsinin 126-ci (qəsdən sağlamlığa ağır zərər vurma) maddəsi ilə ittiham verilib.
Natiq Allahverdiyev
Ölkə.Az
