Abşeronda şirkət avtomobili 7 yaşlı uşağı vurub qaçdı

Abşeronda şirkət avtomobili 7 yaşlı uşağı vurub qaçdı
20:44
18.10.2018
1633
Hadisə
A
Abşeron rayonunda şirkət əməkdaşı azyaşlını avtomobillə vurub qaçıb.

"Ölkə.Az"ın Trend-ə istinadən məlumatına görə, hadisə Xırdalan qəsəbəsində baş verib.

Xırdalan şəhər sakini Salayev Aslan Ədalət oğlu "Carlsberg-Azerbaijan" şirkətinə məxsus idarə etdiyi "Seat İbiza" markalı avtomobillə 2011-ci il təvəllüdlü Məmmədzadə Əlixan Zaur oğlunu vurub.

Avtomobil azyaşlının ayağının üstündən keçib və sürücü hadisə yerindən qaçıb.

Xəsarət alan azyaşlı xəstəxanaya yerləşdirilib.

Faktla bağlı Abşeron rayon Polis İdarəsində Cinayət Məcəlləsinin 263.1-ci (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyatı hadisəsi yerindən qaçma) maddələri ilə cinayət işi başlanıb.

Məsələ ilə bağlı “Carlsberg Azerbaijan” şirkətindən Trend-ə bildiriblər:

“Biz baş verən hadisədən təəssüflənirik və zərər çəkmiş uşağın tezliklə sağalmasına ümid edirik. Əməkdaşımıza gəldikdə isə onu deyə bilərik ki, şirkət daxilində araşdırma aparılacaq və hazırda aparılan istintaqda müvəkkil orqanlara yardım edəcəyik. Xırdalanda yerləşən şirkət olaraq, biz yerli icmanın nümayəndələrinə daim kömək etməyə çalışırıq. Ona görə də istintaqın nəticələrindən və məhkəmənin qərarından asılı olmayaraq, biz uşağın müalicəsi və reabilitasiyasının uğurlu keçməsi üçün onun ailəsinə yardım göstərmək istərdik”.

Ölkə.Az

ŞƏRH YAZ
1

Bakı Dövlət Universitetinin tələbəsi itkin düşüb — FOTO

Bakı Dövlət Universitetinin tələbəsi itkin düşüb
20:29
Bu gün
410
Hadisə
A
Goranboy rayon sakini itkin düşüb.

“Ölkə.Az”ın “Report”a istinadən məlumatına görə, Qaraçinar kəndində yaşayan Mais Qurbanov fevralın 17-də paytaxta qayıdıb. Gənc atasına əvvəlcə Gəncəyə, sonra Bakıya gedəcəyini bildirib. Lakin yaxınları günorta saatlarında Maisin mobil telefonuna zəng vursalar da, onun telefonuna zəng çatmayıb. Həmin gündən M.Qurbanovdan xəbər yoxdur.

Yaxınlarının bildirdiyinə görə, BDU-nun hüquq fakultəsinin 1-ci kurs tələbəsi olan M.Qurbanov oxuduğu müddət ərzində Goranboya gəlib qayıtsa da, sonuncu dəfə paytaxta getməyib. Yaxınları ondan xəbər tuta bilmədiklərindən narahatdırlar.

Tələbənin itkin düşməsi ilə bağlı Goranboy rayon Polis Şöbəsinə müraciət edilib. Onu görənlərdən yaxud M.Qurbanov haqqında məlumatı olanlardan 051-327 -22-32 və 051-572-01-54 telefon nömrələrinə zəng etmələri xahiş olunur.

Ölkə.Az

ŞƏRH YAZ
0

Ucarda maşın kanala düşdü — Sürücü öldü

Ucarda maşın kanala düşdü
17:33
Bu gün
898
Hadisə
A
Ucar rayonunun Qazyan kəndində “VAZ” markalı minik avtomobili yol kənarındakı su kanalına aşıb.

"Ölkə.Az" FHN-ə istinadən xəbər verir ki, hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri sürücünün (şəxsiyyəti dəqiqləşdirilir) meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər. 

Əməliyyat başa çatıb. 

Ölkə.Az

ŞƏRH YAZ
0
BAĞLA