Abşeronda şirkət avtomobili 7 yaşlı uşağı vurub qaçdı

Abşeronda şirkət avtomobili 7 yaşlı uşağı vurub qaçdı
20:44
18.10.2018
1782
Hadisə
A
Abşeron rayonunda şirkət əməkdaşı azyaşlını avtomobillə vurub qaçıb.

"Ölkə.Az"ın Trend-ə istinadən məlumatına görə, hadisə Xırdalan qəsəbəsində baş verib.

Xırdalan şəhər sakini Salayev Aslan Ədalət oğlu "Carlsberg-Azerbaijan" şirkətinə məxsus idarə etdiyi "Seat İbiza" markalı avtomobillə 2011-ci il təvəllüdlü Məmmədzadə Əlixan Zaur oğlunu vurub.

Avtomobil azyaşlının ayağının üstündən keçib və sürücü hadisə yerindən qaçıb.

Xəsarət alan azyaşlı xəstəxanaya yerləşdirilib.

Faktla bağlı Abşeron rayon Polis İdarəsində Cinayət Məcəlləsinin 263.1-ci (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyatı hadisəsi yerindən qaçma) maddələri ilə cinayət işi başlanıb.

Məsələ ilə bağlı “Carlsberg Azerbaijan” şirkətindən Trend-ə bildiriblər:

“Biz baş verən hadisədən təəssüflənirik və zərər çəkmiş uşağın tezliklə sağalmasına ümid edirik. Əməkdaşımıza gəldikdə isə onu deyə bilərik ki, şirkət daxilində araşdırma aparılacaq və hazırda aparılan istintaqda müvəkkil orqanlara yardım edəcəyik. Xırdalanda yerləşən şirkət olaraq, biz yerli icmanın nümayəndələrinə daim kömək etməyə çalışırıq. Ona görə də istintaqın nəticələrindən və məhkəmənin qərarından asılı olmayaraq, biz uşağın müalicəsi və reabilitasiyasının uğurlu keçməsi üçün onun ailəsinə yardım göstərmək istərdik”.

Ölkə.Az

ŞƏRH YAZ
1

İsmayıllıda avtomobil ustaları emalatxanalarında heroinlə tutuldular

İsmayıllıda avtomobil ustaları emalatxanalarında heroinlə tutuldular
14:50
Bu gün
351
Hadisə
A
İsmayıllı rayonunda keçmiş məhkumlarda heroin aşkar edilib.

"Ölkə.Az" xəbər verir ki, İsmayıllı Rayon Polis Şöbəsinin əməkdaşları tərəfindən həyata keçirilən əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən 2 nəfər, əvvəllər də məhkum olmuş 44 yaşlı şəhər sakini Mehman Mehdiyev və rayonun Mican kənd sakini 47 yaşlı Xəyyam Əhmədov saxlanılıb. Şəxsi axtarış zamanı onların üzərindən və usta olaraq işlədikləri avtomobil təmiri emalatxanasından şprislərə doldurulmuş narkotik vasitə - heroin aşkar olunaraq götürülüb. 

Faktla bağlı İsmayıllı RPŞ-də araşdırma aparılır.

Natiq Allahverdiyev
Ölkə.Az

 

ŞƏRH YAZ
0

Bakıda qadın doğuş zamanı öldü

Bakıda qadın doğuş zamanı öldü
14:24
Bu gün
204
Hadisə
A
Ötən gün Bakıda doğuş zamanı növbəti ölüm faktı qeydə alınıb.

"Ölkə.Az" xəbər verir ki, bu barədə  Oxu.Az-a Pirallahı rayon hüquq mühafizə orqanlarından məlumat verilib.

Belə ki, mayın 24-də 11:00 radələrində 10 saylı şəhər kliniki xəstəxanasında qeysəriyyə əməliyyatı zamanı 34 yaşlı Qala sakini Əsgərova Samirə Yusif qızı dünyasını dəyişib.

Qadının qan itkisindən vəfat etdiyi deyilir.  Hazırda faktla bağlı rayon prokurorluğunda araşdırma aparılır.

Qeyd edək ki, Səhiyyə Nazirliyinin məlumatına görə, 2018-ci il ərzində ölkədə doğuş zamanı 17 qadın vəfat edib. 2017-ci ildə isə ölüm sayı 21 olub.

Ölkə.Az

ŞƏRH YAZ
0
BAĞLA