Acı bibərin

Acı bibər son illər mətbəximizə ayaq açıb. Qırmızı və yaşıl rəngdə olan acı bibərin insan orqanizminə faydaları ilə yanaşı ziyanı da var.

Ölkə.Az bu gün oxuculara acı bibərin faydaları barədə məlumat verəcək.

Acı bibər 88 % sudan ibarətdir. 100 qram acı bibərin 44 kkal kalorisi var. Tərkibində A, C, B1, B3, B6, B9, PP, E, K vitaminləri, beta-karotin, riboflavin və xolin maddələri var.

Faydaları

Qırmızı bibərin acılığı bu tərəvəzin ən qiymətli xüsusiyyətidir. Bədən tempraturunu artırmadan bibər tozu sürtdüyümüz bədən üzvünü qızışdırır. Yüksək tempratur nəticəsində qandamarları genişlənir, faydalı maddələr balansı artır, toxuma və orqanlar oksigenlə zənginləşir və ağrı aradan götürülür.

Ağır başağrı zamanı acı bibər suyunu buruna sürtmək kifayət edir. 1-3 gün ərzində güclü başağrısı yoxa çıxır. Bu amerikalı alimlər tərəfindən sübuta yetirilib. Təcrübə tələbələr üzərində aparılıb.

Acı bibər qatılmış qida uzun müddət xarab olmur və mədəyə daxil olaraq bir çox mikrobu məhv edir.

Kosmetika sahəsində də acı bibərdən istifadə edilir. Sellülit əleyhinə bir çox kremin tərkibində acı bibər var. Eyni zamanda, balzam, yağ və saç vasitələrində də acı bibərdən istifadə edilir.

Bundan başqa pəhriz saxlayanlar arasında "acı pəhriz" də məşhurdur.

Acı bibərin tərkibi B qrupu vitaminləri, mikro elementlər, efir yağları ilə zəngindir. Qırmızı bibərin tərkibində isə əlavə olaraq A və C vitaminləri də var.

Zərəri

Acı bibərin zərərli cəhətləri də var. Belə ki, stenokardiya, gipertoniya, aritmiya xəstələri acı bibər qəbul etməməlidirlər. Çünki acı bibər bu tip xəstələrin sağlamlığı üçün təhlükəlidir.

Eyni zamanda, qara ciyər və böyrək xəstəliyindən əziyyət çəkənlər də acı bibərdən istifadə etməməlidir.

Qastrit, mədə xorası, mədə-bağırsaq sistemi xəstəliklərindən əziyyət çəkənlər də acı bibərdən uzaq durmalıdırlar.

Acı bibərin elə növləri var ki, dəridə səpki və qaşınmalara səbəb olur. Əgər əlinizi acı bibərə vurmusunuzsa, mütləq əllərinizi yuyun.

Hikmət
Ölkə.Az