Aclıq aksiyasına başlayan sabiq parlament sədri xəstəxanaya yerləşdirildi

Aclıq aksiyasına başlayan sabiq parlament sədri xəstəxanaya yerləşdirildi
18:18
17.08.2017
105
Dünya
A
İranın nüfuzlu müxalif siyasətçilərindən sayılan Mehdi Kərrubi xəstəxanaya yerləşdirilib.

"Ölkə.Az" xəbər verir ki, 79 yaşlı sabiq parlament sədri aclıq aksiyasına başladıqdan sonra vəziyyəti pisləşib. 1988-89 və 2000-2004-cü illər arasında iki dövr İran Parlamentinin sədri olan Kərrubi 2011-ci ildə ev həbsinə məhkum edilib.

Kərrubi ev həbsinə etiraz edərək ona nəzarət edən polis məmurlarının evdən çıxarılaraq çöldə gözləmələrini və yenidən ədalətli şəkildə məhkəmə keçirilməsini tələb edərək aclıq aksiyasına başlayıb.

Ötən ay ürək əməliyyatı keçirən sabiq parlamentari aclıq aksiyasına başladığı günün axşam saatlarında xəstəxanaya yerləşdirilib.

Onun xanımı Fatma Kərrubi vəziyyəti yaxşı olmayan Mehdinin su içməkdən də imtina etdiyini, tələbləri yerinə yetirilənə qədər aclıq aksiyasına davam edəcəyini bildirib.

Hikmət Həsənov
Ölkə.Az

ŞƏRH YAZ
0

Londonda bomba həyəcanı — Stansiya təxliyə edildi

Londonda bomba həyəcanı
12:44
Bu gün
229
Dünya
A
Londondakı “Charing Cross” qatar stansiyası təxliyə edilib.

“Ölkə.Az” xəbər verir ki, buna səbəb bir nəfərin stansiyada bomba olduğunu iddia etməsi olub.

Sonradan xəbəri verən şəxs saxlanılıb. Polis bildirir ki, stansiya ən qısa müddət ərzində yenidən açılacaq.

Hikmət Həsənov
Ölkə.Az

ŞƏRH YAZ
0

Partiyası Sarkisyandan imtina edir — Serji həbs gözləyir?

Partiyası Sarkisyandan imtina edir
11:25
Bu gün
766
Dünya
A
Ermənistanda bir neçə ay əvvəl başlayan siyasi böhran davam edir. Evindən əskər yeməyi çıxan general, deputatın həbsi kimi hadisələr rejimin artıq çürüdüyündən xəbər verir.

“Ölkə.Az” xəbər verir ki, erməni saytları Manvel Qriqoryanın həbsi və Respublikaçı Partiyasının mövqesizliyini tənqid edib.  “1in.am”  saytı iddia edir ki, partiya Sarkisyandan imtina edib. Sarkisyan isə əvvəlcədən partiyasının satqın olduğunu bilirdi. Bu səbəbdən heç vaxt partiyasına güvənməyib, planlarını açıqlamayıb.

Bu dəfə isə partiya Manveli təhvil verərək çirkli əllərini yuyur və bildirir ki, Manvelin işindən, əməllərindən xəbəri olmayıb. Bununla da partiya faktiki olaraq təkcə Manvel Qiroqryanı yox, eyni zamanda Sarkisyanı da təhvil verir. Qriqoryanın işindən xəbərdar olmadığını deyən partiya əslində Sarkisyandan da xəbərsiz olduğunu bildirir. Çünki ayındır ki, general Manvel özbaşına hərəkət etməyib, ona yol verən, icazə verən var. Bu şəxs isə Serj Sarkisyandır. Çox güman ki, yaxın günlərdə Serj haqqında da qalmaqallı xəbərlər eşidəcəyik. Artıq Serjin mühafizəçisinin evindən milyonlarla dollar tapılıb. Deməli, Serj əleyhinə düymə basılıb.

Hikmət Həsənov
Ölkə.Az

ŞƏRH YAZ
0
BAĞLA