AXTAR

Axtarışın nəticələri

Bütün nəticələr

Adolf Hitlerin alt paltarı hərraca çıxarılır — FOTOLAR

İkinci dünya müharibəsinin memarı, nasistlərin lideri Adolf Hitlerin şəxsi əşyaları hərraca çıxarılacaq.

12.09.2017 10:00 Bölmə: Maraqlı Oxunma sayı: 941
A- A A+

"Ölkə.Az" xəbər verir ki, 1945-ci ildə intihar etdiyi iddia edilən Adolfun alt paltarlarından tutmuş, əlyazmalarına qədər bir çox əşyası satışa çıxarılacaq.

Hərrac ABŞ-ın Merilend bölgəsindəki "Alexander Historical Auctions" adlı hərrac evində keçiriləcək.

Adolfun 1938-ci ildə istifadə etdiyi alt paltarı 4-5 min dollara satılacaq. Nasist lider "Parkhotel Graz"da qalanda bu alt paltarından istifadə edib. Otelin sahibi olan avstriyalı ailəyə bu alt paltarı babalarından miras qalıb.

Satışa çıxarılan əşyalar arasında Hitlerin imzaladığı "Mənim mübarizəm" əsəri də var. Kitaba 20 min dollar qiymət qoyulub.

Bir amerikalı əsgər isə Hitlerindən evindən dünya xəritəsi götürmüşdü. Xəritə isə 100 min dollara satışa çıxacaq. Satışa çıxarılan əşyalar arasında Hitlerin adının baş hərfləri yazılan kokteyl bardaqları, Yeva Braunun çətiri də var.

Hikmət Həsənov
Ölkə.Az

Partner Xəbər