Adriana Lima dövrü bağlandı
“Victoria's Secret”in əfsanəvi mələyi Adriana Lima podiumla vidalaşdı.
“Ölkə.Az” xəbər verir ki, Adriana sonuncu dəfə “Victoria's Secret” üçün podiuma çıxıb.
Dünyanın ən böyük şoularından biri olan “Victoria's Secret” London, Paris və Şanxaydan sonra Nyu-Yorkda keçirilib. 190-dan çox ölkədə yayımlanacaq moda nümayişində Adriana Lima sonuncu dəfə podiuma çıxıb. “Victoria's Secret”in ən uzun müddət işləyən modeli olan Lima ilk dəfə 1999-cu ildə podiuma çıxıb.
Adriana Lima fotoları sosial şəbəkədəki səhifəsində paylaşıb və şirkətə təşəkkür edib. Məşhur gözəl sonuncu podiumunda göz yaşlarına hakim ola bilməyib. 60 modellə işləyən brend üç illik fasilədən sonra Behati Prinslu, Sendis Svenipol, Elsa Hosk, Jasmin Tuks, Cozefine Skrayver Leys Ribeyro kimi məşhurları da podiuma dəvət edib.
Ölkə.Az
