FHN-dən aeroport yolunda yanan maşınla bağlı açıqlama — VİDEO + YENİLƏNİB

FHN-dən aeroport yolunda yanan maşınla bağlı açıqlama
21:34
13.03.2018
4208
Hadisə
A
Bakıda avtomobilin yanması böyük tıxac yaradıb.

Bakının Sabunçu rayonunda “Fiat” markalı minik avtomobilinin yanar hissələri yanıb.

"Ölkə.Az" Fövqəladə Hallar Nazirliyinə istinadən xəbər verir ki, yaxınlıqdakı digər avtomobillər yanğından mühafizə olunub. Yanğın yanğın bölmələri tərəfindən söndürülüb.

***

Bakı Nəqliyyat Agentliyindən "Ölkə.Az"a verilən xəbərə görə, Heydər Əliyev prospektinin Bakı Olimpiya Stadionu tərəfdən keçən hissəsində (hava limanı istiqamətində) nəqliyyat vasitəsində yanğın baş verib. Bu səbəbdən də metronun "Koroğlu" stansiyasından hava limanına gedən istiqamətdə yolda nəqliyyat vasitələrinin hərəkətində sıxlıq müşahidə edilir.

***

Hazırda “Koroğlu” metrosundan hava limanı istiqamətində minik avtomobil yanır.

"Ölkə.Az" “Qafqazinfo”ya istinadən xəbər verir ki, alov qısa zamanda bütün maşını bürüyüb. 

Əraziyə hələ Fövqəladə Hallar Nazirliyinin yanğınsöndürənləri gəlməyib.

Yanğın zamanı ölən və yaralanan olması barədə məlumat yoxdur. 

Ölkə.Az

ŞƏRH YAZ
1

Yardımlıda kütləvi dava — İki nəfər xəstəxanalıq olub

Yardımlıda kütləvi dava
00:54
Bu gün
382
Hadisə
A
Yardımlıda baş verən kütləvi dava zamanı bıçaqlanan iki nəfər Masallı Rayon Mərkəzi Xəstəxanasına gətirilib.

“Ölkə.Az”ın “Report”a istinadən məlumatına görə, rayonun Ləzran kənd sakinləri - 1996-cı il təvəllüdlü İbrahim Zakir oğlu Mirzəyev və 1989-cu il təvəllüdlü Pərvin Rafiq oğlu İsgəndərov bıçaq xəsarətləri ilə Masallı Rayon Mərkəzi Xəstəxanasına çatdırılıblar. Yaralıların hər ikisinə qarının ön divarının kəsilmiş-deşilmiş yarası diaqnozu qoyulub. İlkin tibbi yardımlar göstərilib. Hələlik vəziyyətləri kafidir.

Qeyd edək ki, dünən Yardımlı rayonunda kütləvi dava olub. Hadisə zamanı 5 nəfərin xəsarət aldığı, onlardan bir nəfərin, Bəhruz adlı gəncin Yardımlı Rayon Mərkəzi Xəstəxanasına aparıldığı, lakin onun həyatını xilas etməyin mümkün olmadığı bildirilir. Daha iki nəfər Cəlilabad Rayon Mərkəzi Xəstəxanasına aparılıb. Hazırda 1992-ci il təvəllüdlü Teymur Əlihüseynov Cəlilabad Rayon Mərkəzi Xəstəxanasında müalicə olunur. Vəziyyəti daha ağır olan digər yaralının həmin xəstəxanadan Bakıya göndərildiyi bildirilir.

Yardımlı Rayon Polis Şöbəsindən davanın nə səbəbdən baş verdiyi və zərərçəkənlərin dəqiq sayının araşdırıldığı bildirilib. Əldə etdiyimiz məlumata görə, kütləvi davada iştirak edənlərin bir neçəsi yaxın qohumlardır. Hadisə it boğuşdurulması yarışından sonra baş verib.

Ölkə.Az

ŞƏRH YAZ
0

Qazaxda iki avtomobil toqquşub — Xəsarət alanlar var

Qazaxda iki avtomobil toqquşub
21:52
23.02.2019
1011
Hadisə
A
Qazax şəhərində bir neçə nəfərin xəsarət alması ilə nəticələnən yol qəzası baş verib.

“Ölkə.Az”ın “Report”a istinadən məlumatına görə, hadisə şəhər ərazisində qeydə alınıb.

"Mercedes-Benz" və "VAZ-21011" markalı avtomobillərin toqquşması nəticəsində "VAZ"da olan 2 nəfər - Ağstafa rayon sakinləri, 27 yaşlı Məhəmmədəli Əsgərov və 28 yaşlı Samir Kazımov xəsarət alıblar. Digər avtomobildə isə xəsarət alan olmayıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA