Afaq Bəşirqızı barəsində səsləndirilən iddialara — CAVAB VERDİ

Afaq Bəşirqızı barəsində səsləndirilən iddialara
12:30
23.10.2019
28178
Mədəniyyət
A
Xalq artisti Afaq Bəşirqızı Teatr Xadimləri İttifaqının sədri olmaq istəməsi ilə bağlı yayılan şayiələrə aydınlıq gətirib.

Sənətkar “Ölkə.Az”ın  əməkdaşı ilə söhbətində bildirib ki, heç vaxt belə fikri olmayıb.

“Bu, ağ yalandır. Mən Teatr Xadimləri İttifaqının sədri olmaq istəməmişəm. Ümumiyyətlə, vəzifədə olmaq, kresloda oturmaq mənim düşüncəmdən belə keçməyib. Çünki mən o cür xarakterli insan deyiləm. Bu, ancaq cılız adamların fikridir. Onlar artıq bilmirlər ki, nə danışsınlar. Əgər mən Teatr Xadimləri İttifaqının sədri olmaq istəsəydim, qurultayın geniş auditoriyasının olmasını, alternativ namizədlərin olmasını tələb etməzdim. Bilirsiniz necədi, uşaq əmziyə öyrənən kimi, bu cılız adamların fikri də yalnız kreslodur, ancaq vəzifədir. Belə insanlarda heç vaxt önə çıxmaq istəməyiblər, yarasa kimi qaranlıqda olmaq istəyirlər. Ancaq bunlar başa düşmürlər ki, şəxsiyyət heç bir kreslo ilə ölçülə bilməz. İnsanın özünün şəxsiyyəti olmalıdır. Mən heç nədən qorxmuram, dediklərimin də arxasındayam. Amma qarşı tərəfin ətrafında olan yaradıcı insanların heç birindən də incimirəm. Çünki mən onlar üçün vuruşuram. Ona görə də onların vəziyyətlərini də, olduqları şəraiti də bilirəm. Mənim yaradıcı adamların heç biri ilə işim yoxdur.

"Bunu da bildirim ki, o kreslo Azərpaşa Nemətovun adına yazılmış, özəlləşdirilmiş şəxsi kreslo deyil. Mədəniyyət, incəsənət aləmində o kresloda oturacaq layiqli insanlar var. Əlbətdə ki, o ittifaqda mən öz titulumdan, öz inamımdan istifadə edə bilərəm. Ancaq o kresloda oturmaq, ora gedib-gəlmək mənim heç ağlımdan da keçməyib.Ümumiyyətlə əgər mən elə bir fikirdə olsaydım, teatrda başladığım böyük layihəmə start verməzdim. Yenə də təkrar bildirirəm ki, mən həyatım boyu vəzifə, kreslo ölüsü olmamışam.

Hətta o zaman Hacıbaba Bağırov rəhmətə gedəndə mən akademik məzuniyyət götürüb, yoldaşımla Moskvaya getdim. Bunu niyə etdim? Bəziləri elə düşünməsinlər ki, Afaqın Musiqili Komediya Teatrının direktorluğunda gözü var. Xeyr, vəzifə mənim işim deyil. Mən dürüstlüyün, dostluğun və doğruluğun tərəfdarıyam”, - deyə Xalq artisti bildirib.

Qeyd edək ki, Azərbaycan Teatr Xadimləri İttifaqının ötən gün XIV konfransı keçirilib. Afaq Bəşirqızı konfransın gedişatına etiraz əlaməti olaraq oranı yarımçıq tərk edib.

Vüsalə Balayeva

Ölkə.Az

ŞƏRH YAZ
0

Məşhur diktorla vətəndaş nikahında yaşayan müğənni — Maraqlı faktlar

Məşhur diktorla vətəndaş nikahında yaşayan müğənni
16:59
19.11.2019
44372
Mədəniyyət
A
Bu gün 70-80-ci illərin populyar Azərbaycan müğənisi Hüseynağa Hadıyevin doğum günüdür.

"Ölkə.Az" kulis.az-a istinadən bu münasibətlə sənətçinin həyatına dair maraqlı faktları təqdim edir.

Hüseynağa Hadıyev 1946-cı ildə Bakıda anadan olub. Anası Törə xanım Cəfər Cabbarlının əmisi qızı olub.

***

“Pionerlər” evində qarmon dərnəyinə gedən sənətçinin ali musiqi təhsili olmayıb.

***

1972- ci ildə ailə həyatı quran sənətçi dövlət televiziyasında çəkilişlərin birində AzTv-nin həmin dövr üçün məşhur diktorlarından olan Gülya Seyidbəyliyə aşiq olur. Həyat yoldaşı ilə rəsmi nikahda ola-ola Gülya Seyidbəyli ilə vətəndaş nikahında yaşayıb.

***

Türk mahnılarının Azərbaycanda ilk ifaçısı olub.

***

Image result for Hüseynağa Hadıyev

***

Hələ uşaq yaşlarından vərəm xəstəsi olan Hüseynağa Hadıyev bunu ömrü boyu hamıdan gizlədib. Yalnız ömrünün son günlərində xəstəxanada ona baş çəkən sənət dostları bunu həkimlərdən öyrəniblər.

***

Sənətkar 1994-cü ilin 12 yanvarında “Səkkizinci kilometr”dəki vərəm dispanserində dünyasını dəyişib. Deyilənə görə, həmin vaxt həyatında olan hər iki qadın Hüseynağadan imtina edib.

***

Hüseynağa Hadıyevin meyitini dünyasını dəyişəndən iki gün sonra bacısı morqdan çıxarıb.

Image result for Hüseynağa Hadıyev

***

Hələ uşaq yaşlarından vərəm xəstəsi olan Hüseynağa Hadıyev bunu ömrü boyu hamıdan gizlədib. Yalnız ömrünün son günlərində xəstəxanada ona baş çəkən sənət dostları bunu həkimlərdən öyrəniblər.

***

Sənətkar 1994-cü ilin 12 yanvarında “Səkkizinci kilometr”dəki vərəm dispanserində dünyasını dəyişib. Deyilənə görə, həmin vaxt həyatında olan hər iki qadın Hüseynağadan imtina edib.

***

Hüseynağa Hadıyevin meyitini dünyasını dəyişəndən iki gün sonra bacısı morqdan çıxarıb.

ŞƏRH YAZ
1

Bir obrazın məşhurlaşdırdığı ƏFSANƏLƏR — Makedon, Afət, Cəbiş müəllim, Maya bacı...

Bir obrazın məşhurlaşdırdığı ƏFSANƏLƏR
15:48
19.11.2019
29529
Mədəniyyət
A
Həyat bizim qarşımıza dəfələrlə şans çıxarır. Lakin onlardan elələri var ki, həyatımızı dəyişməyə, ani təsadüflə parlatmağa qadir ola bilir. Məsələn, cəmi bir-iki filmə çəkilməklə, ömür boyu məşhur olan, əfsanəyə çevrilən, indi haqqında bəhs edəcəyimiz şəxslər kimi.

Beləliklə, "Ölkə.Az" bir obrazla məşhurlaşan əfsanələr haqqında kiçik araşdırmanı təqdim edir.

Süleyman Ələsgərov -1915-ci ildə doğulan, əsl ixtisası iqtisadçı olan aktyorun çəkildiyi yeganə film ''Bizim Cəbiş müəllim''dir. Ələsgərov daha bir neçə filmdə epizodlara çəkilsə də, demək olar ki, onların heç biri yadda qalmayıb. Ancaq buna rəğmən, o, ömrünün altmış üç ilini teatra həsr edib.

Картинки по запросу süleyman ələsgərov

Aqil Ağacanov -''Bizim Cəbiş müəllim''dəki Makedon rolu ilə tanınan aktyor 1949-cu ildə Bakının Pirşağı kəndində anadan olub. Əsl peşəsi kababçıdır. Onu Bakı kəndlərində ''kababçı Aqil'' kimi tanıyırlar. Aqil Ağacanovun filmə çəkilməsi də elə təsadüf nəticəsində olur. Belə ki, o, rejissor Həsən Seyidbəyli ilə nərd oynayır və mərc gəlir ki, əgər rejissor uduzsa, onu filmə çəkəcək. Və beləcə hamımızın Makedon kimi tanıdığı Ağacanov məşhurlaşır.
 Картинки по запросу aqil ağacanov
Səyavuş Şəfiyev -1937-ci ildə anadan olub. Əsl peşəsi sirk artisti olan aktyor bir neçə filmdə rol alsa da, 1963-cü ildə çəkildiyi "Əhməd haradadır" filmi ilə məşhurlaşaraq, aktyor kimi tanınıb.

Картинки по запросу səyavuş şəfiyev

Gündüz Abbasov- 1930-cu ildə sənətçi ailəsində doğulan, elə bu səbəbdən də incəsənətə marağı böyük olan aktyoru ''Bir qalanın sirri'' filmi məşhurlaşdırmışdı. Gündüz Abbasov eyni zamanda yazıçı kimi də tanınır. Aktyorun son çəkildiyi film isə "Yuxu" (Hidayət əmi) olub.  Bu arada qeyd edək ki, film ekranlara çıxanda G.Abbasov həyatda deyildi.

Картинки по запросу gündüz abbasov
 
"Bəxt üzüyü" filmində Hüseynin qızı Sevinc obrazı ilə tanınan sima hazırda həkim kimi fəaliyyət göstərir. 


"Şərikli çörək" filmindəki Vaqif obrazıyla məşhurlaşan Kamran Rəcəbli 1960-ci ildə  anadan olub. Doqquz yaşında bütün ölkənin tanıdığı aktyor, hazırda Amerikada yaşayır, 2 övladı var.

Картинки по запросу kamran rəcəbli

Fərhad Yusifov -1954-cü ildə doğulan ''Dədə Qorqud'' filminin Turalı hazırda Kanadada yaşayır. Aktyor adını Mark Josef olaraq dəyişib və ssenarist kimi fəaliyyət göstərir. Kiçik epizodlu rollara çəkilən aktyora məşhurluq qazandıran əsas ekran işi ''Dədə Qorqud'' filmidir. Fərhad Yusifov 2015-ci ildə ''Rusiya kinosu festivalında'' yüksək mükafata layiq görülüb. 

Картинки по запросу fərhad yusifov

Nona Paçuaşvili -1943-cü ildə Tbilisidə doğulub. Aktrisa həyatı boyu sadəcə bir neçə filmə çəkilib.  Yaddaşlarda daha çox ''Əhməd haradadır'' filmində yaratdığı Ceyran obrazı ilə qalan Nona, öz ölkəsində xoreoqraf kimi tanınır.  Nona Paçuaşvili 1981-ci ildən Gürcüstanın Xalq artistidir. Hazırda ''Şota Rustavelli'' adına dram teatrının aktrisasıdır.

Картинки по запросу nona paçuaşvili

Azər Qurbanov -''Sehirli xalat'' filmində Rəşid obrazı ilə hamının sevimlisinə çevrilən aktyor 1955-ci ildə anadan olub. Bir neçə filmə çəkilən Qurbanov 2013-cü ildə verdiyi müsahibəsində qeyd edib ki, ''Zaman ildırım sürəti ilə keçir, nə vaxtsa kinoya çəkildiyimi unutmuşam''. Azər Qurbanov 1992-ci ildən Amerikada yaşayır. 

Картинки по запросу azər qurbanov

Arif Mirzəquliyev -1931-ci anadan olub.  İxtisasca həkim-nevropatoloq olan aktyor cəmi iki filmə çəkilərək yaddaşlara ömürlük həkk olunub. Bunlardan biri ''O olmasın, bu olsun'', digəri isə ''Görüş'' filmidir. Atasının xahişindən sonra aktyorluq sənətindən əl çəkib, ömrünün sonuna qədər həkim kimi fəaliyyət göstərib. 

Картинки по запросу arif mirzəquliyev

İnarə Quliyeva - 1950-ci ildə Moskvada anadan olan aktrisa yaddaşlarda ''Qaynana'' nın Afəti və ''Alma almaya bənzər"in Aişə müəlliməsi kimi həkk olunub. Aktrisa həyatını sonradan Moskva ilə bağladığı üçün tamaşaçılar təəssüf ki, bizim ekranlarda onu görə bilmədilər. Hazırda Rusiya televiziyasında bir sıra musiqili verilişlərin müəllifidir. Qeyd edək ki, İnarə Quliyeva Rusiyanın əməkdar artistidir. 

Картинки по запросу inara quliyeva

Tamilla Rüstəmova-1936-cı ildə Bakı şəhərində Səid Rüstəmovun ailəsində anadan olub. Əsl ixtisası fortopianoçu olan aktrisa təhsil aldığı Qnesinalar adına musiqi institunun tələbəsi vokalçı Olgred Krastınşa ərə gedərək Riqaya köçüb. Məhz buna görə də Tamilla Rüstəmovanı çox az obrazlarda xatırlayırıq. Aktrisanın ən yadda qalan rolları ''Ulduz'' filmində Ulduz və ''Böyük dayaq'' filmində Maya bacı obrazları olub. 

Картинки по запросу tamilla rüstəmova

Nərmin Nuru

Ölkə.Az

ŞƏRH YAZ
0
BAĞLA