AFFA 2 futbolçunu cəzalandırdı

AFFA 2 futbolçunu cəzalandırdı
16:47
04.04.2018
809
İdman
A
Bu gün AFFA-nın İntizam Komitəsinin iclası keçirilib.

"Ölkə.Az"ın məlumatına görə, yığıncaqda Premyer Liqanın XXI turunun oyunlarında baş verənlərlə bağlı qərarlar verilib.

“Qarabağ” – “Keşlə” matçının 60-cı dəqiqəsində meydan sahiblərinin futbolçusu Coşqun Diniyev və qonaqların üzvü Sezar Meza Kolli aqresiv davranışa görə birbaşa qırmızı vərəqə alaraq meydandan qovulublar. Komitə iki futbolçunu 3 oyunluq cəzalandırıb. Klublar 2400 manat cərimələnib.

Futbolçulara verilmiş 3 oyun cəzanın 1 oyunu şərti cəza kimi tətbiq edilir və 6 ay sınaq müddəti verilir. Sınaq müddəti ərzində  yenidən cəzalanacaqları təqdirdə sanksiyanın növbəti hissəsi qüvvəyə minəcək.

ŞƏRH YAZ
0

Anatoli Banişevski — 73

Anatoli Banişevski
20:57
Bu gün
53
İdman
A
Bu gün "Neftçi”nin əfsanəvi futbolçusu Anatoli Banişevskinin anadan olmasından 73 il ötür.

“Ölkə.Az” klubun saytına istinadən məlumat verir ki, 1946-cı il fevralın 23-də Bakıda anadan olan A.Banişevski "ağ-qaralar”ın heyətində (1964-1973, 1975-1978) SSRİ çempionatlarında 288 oyunda 121 qol, SSRİ kuboklarında isə 30 oyunda 15 qol vurub.

1966-cı ildə "Neftçi” ilə SSRİ çempionatının, SSRİ yığması ilə dünya çempionatının bürünc, 1972-ci ildə isə Avropa çempionatının gümüş medalını qazanıb. SSRİ yığmasında ən çox oyun keçirmiş (49 oyun) və fərqlənmiş (19 qol) "Neftçi”li "Marakana” stadionunda Braziliyanın qapısına qol vurmuş ilk sovet futbolçusudur.

SSRİ-nin Əməkdar idman ustası və Qriqori Fedotov klubunun üzvü olan A.Banişevski daha sonra "Neftçi”də (1981-1982) məşqçi, Mingəçevirin "Avtomobilçi” klubunda (1984-1987), Burkina-Fasonun gənclər yığmasında (1987-1988) və "Kəpəz”də (1988) baş məşqçi kimi çalışıb.

Afrika ölkəsində işlədiyi zaman ağır xəstəliyə tutulan A.Banişevski 1997-ci il dekabrın 9-da 51 yaşında vəfat edib. A.Banişevski ölümündən bir il əvvəl "Şöhrət ordeni” ilə təltif olunub.

"Neftçi”yə sədaqətini heç vaxt itirməyən "9 nömrə” azarkeşlərin yaddaşında əbədi olaraq qalacaq.

Ölkə.Az

ŞƏRH YAZ
0

"Qəbələ" öz meydanında oyunu bərabərliklə bitirdi

19:32
Bu gün
92
İdman
A
Futbol üzrə Azərbaycan çempionatının 18-ci turuna start verilib.

"Ölkə.Az" xəbər verir ki, turun açılış matçında “Qəbələ” klubu öz meydanında autsayder “Keşlə”ni qəbul edib. Qarşılaşma qolsuz bərabərliklə yekunlaşıb.

Qeyd edək ki, bu görüşdən sonra xallarının sayını 24-ə çatdıran “Qəbələ” turnir cədvəlində 4-cü yerdəki mövqeyini qoruyub. “Keşlə” isə 16 xalla 6-cıdır.

Ölkə.Az

ŞƏRH YAZ
0
BAĞLA