AFFA baş məşqçini cəzalandırıb

AFFA baş məşqçini cəzalandırıb
14:35
21.02.2018
555
İdman
A
AFFA İntizam Komitəsinin növbəti iclası keçirilib.

"Ölkə.Az" xəbər verir ki, iclasda Azərbaycan Premyer Liqasının XVI turunun “Qəbələ” – “Zirə” matçında baş verənlər geniş müzakirə olunub. Komitə oyunun video yazısını izlədikdən sonra “Zirə”ni 5 futbolçusunun sarı vərəqə ilə cəzalanması səbəbindən 800 manat cərimələnib, baş məşqçi Ayxan Abbasov stadionun dəhlizində təhqiredici ifadələr işlətdiyi üçün 5 oyunluq cəzalanıb, klub 4000 manat ziyana düşüb. Baş məşqçiyə verilmiş 5 oyunluq cəzanın 3 oyunu şərti tətbiq edilib və 6 ay sınaq müddəti verilib. Sınaq müddəti ərzində o, yenidən cəzalanacağı təqdirdə sanksiyanın növbəti hissəsi qüvvəyə minəcək.

“Qəbələ”nin futbolçuları Qismət Alıyev və Cavid Hüseynov, “Zirə”nin legionerləri Riçard Qadze və Sadio Tounkara aqressiv hərəkətlərə yol vermələri səbəbindən 2 oyunluq cəzalanıb, hər iki klub 3200 manat cərimə olunub. 

“Qəbələ” klubu təhlükəsizliyi və ictimai asayişi tam təmin etmədiyinə görə 4000 manat cərimələnib. Bu hal yenidən təkrarlanacağı təqdirdə klub daha ağır cəzalanacaq.

Komandanın məşqçisi Sənan Qurbanov texniki zona qaydalarını pozduğuna görə 1 oyun cəzalanıb, klub 800 manat cərimələnib.

ŞƏRH YAZ
0

Rusiya Misirə qalib gəldi

Rusiya Misirə qalib gəldi
00:11
Bu gün
244
İdman
A
Futbol üzrə Rusiya milli komandası Dünya Çempionatı çərçivəsində Misir yığması üzərində qələbə qazanıb.

"Ölkə.Az" xəbər verir ki, Sankt-Peterburq şəhərinin eyni adlı stadionunda keçirilən oyun turnirə ev sahibliyi edən komandanın 3:1 hesablı qələbəsi ilə yekunlaşıb.

Oyunun ilk qolunu 47-ci dəqiqədə öz qapısından Əhməd Fəthi keçirib, daha sonra oyunun 59-cu dəqiqəsində Denis Çerışev Rusiyanın ikinci qolunu vurub. Üç dəqiqə sonra Rusiya millisi hesabda fərqi artırıb, Artyom Dzüba fərqlənib.

Matçın 73-cü dəqiqəsində isə Məhəmməd Salah penaltidən komandasının yeganə qolunu vurub.

Ölkə.Az

ŞƏRH YAZ
0

Şotlandiyada 14 medal qazanan cüdoçularımız vətənə qayıdıblar — FOTO

Şotlandiyada 14 medal qazanan cüdoçularımız vətənə qayıdıblar
22:31
19.06.2018
259
İdman
A
Şotlandiyanın Qlazqo şəhərində veteranlar arasında Avropa çempionatında böyük uğura imza atmış cüdoçularımız Vətənə dönüblər.

"Ölkə.Az" Report-a istinadən xəbər verir ki, mötəbər turnirdə 5 qızıl, 9 bürünc qazanan, medalların əyyarına görə kişilərin komanda hesabında 4-cü olan millimizin üzvlərini Heydər Əliyev Beynəlxalq Hava Limanında Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər və idmançıların ailə üzvləri qarşılayıblar.

Qeyd edək ki, usta cüdoçularımız Fərhad Rəcəbli, Məmməd Məmmədov, Samir İsmayılov, Azər Fətullayev və İntiqam Ələkbərov bütün rəqiblərinə qalib gələrək Avropa çempionu adını qazanıblar. Azər Əsgərov, Vüqar Babayev, Vüqar Budaqov, Yamən Fətiyev, Babək Hacıyev, Rüfət İsmayılov, Hafiz Hacıyev, Məhəmməd Müslümzadə və Zaur Paşayev qitə çempionatının bürünc medalına sahib olub. Milli komandamız iki yaş kateqoriyası üzrə (30-40, 40-50) keçirilən komanda yarışlarında bürünc medala layiq görülüb.

Ölkə.Az

ŞƏRH YAZ
0
BAĞLA