AFFA-dan Prosineçkinin qərarı haqda: Gedəni saxlamazlar

AFFA-dan Prosineçkinin qərarı haqda: Gedəni saxlamazlar
12:15
11.10.2017
254
İdman
A
“Məsəl var – gedəni saxlamazlar. Robert Prosineçki getmək fikrindədirsə, AFFA rəhbərliyinin onu saxlaya biləcəyinə inanmıram”.

"Ölkə.Az" xəbər verir ki, bunu “Report”a açıqlamasında AFFA İcraiyyə Komitəsinin üzvü Mahir Məmmədov Azərbaycan milli komandasının baş məşqçisi Robert Prosineçkinin postunda işini davam etdirmək istəməməsinə münasibət bildirərkən deyib. Bununla belə, M.Məmmədli xorvatiyalı mütəxəssisin Azərbaycan yığmasının sükanı arxasındakı işini müsbət qiymətləndirib. O deyib ki, milli xüsusən son seçmə mərhələdə daha hazırlıqlı nəzərə çarpıb: “Prosineçki 3 il Azərbaycanda çalışdı. Onun işini müsbət qiymətləndirirəm. Yığma komanda 2018-ci il dünya çempionatının seşmə mərhələsində daha inamla çıxış etdi və yaxşı nəticə göstərdi. Komanda əvvəlki tsikllərlə müqayisədə fiziki cəhətdən daha hazırlıqlı idi”.

Qeyd edək ki, Robert Prosineçki Xorvatiya mətbuatına müsahibəsində böyük ehtimalla Azərbaycan millisinin sükanı arxasında qalmayacağını açıqlayıb. Onun 3 illik müqaviləsinin müddəti dekabrda başa çatır.

ŞƏRH YAZ
0

İlin ən yaxşı futbolçusu açıqlandı

İlin ən yaxşı futbolçusu açıqlandı
01:28
Bu gün
28
İdman
A
İngiltərənin paytaxtı Londonda FIFA ötən ilin ən yaxşı futbolçusunun adını açıqlayıb.

"Ölkə.Az" xəbər verir ki, FIFA-nın prezidenti Canni İnfantino bu mükafatı İspaniyanın “Real Madrid” klubunun və Xorvatiya millisinin yarımmüdafiəçisi Luka Modriç təqdim edib.

Xorvatiyalı 2017/2018-ci il mövsümündə “Real Madrid” klubunun heyətində UEFA Çempionlar Liqasının qalibi olub. Həmçinin futbolçu Rusiyada keçirilən dünya çempionatının finalçısıdır. Modriç İngiltərənin “Liverpul” klubunun misirli hücumçusu Məhəmməd Salah və hazırda İtaliyanın “Yuventus” komandasında forma geyinən portuqaliyalı forvard Kriştianu Ronaldunu qabaqlayıb.

Ən yaxşı qadın futbolçu adına altıncı dəfə braziliyalı Marta layiq görülüb. Hazırda ABŞ-ın “Orlando Prayd” klubunda çıxış edən 32 yaşlı hücumçu Ada Hegersberq (“Lion” Fransa, Norveç) və Cenifer Marojanı (“Lion” Fransa, Almaniya) üstələyib.

Qadınlardan ibarət komandalar arasında ən yaxşı baş məşqçi nominasiyasında Reynal Pedros fərqləndirilib. O, Fransa “Lion”una Çempionlar Liqasını qazandırıb. Pedros Yaponiya millisindəki həmkarı Asako Takakura və Almaniya yığmasına rəhbərlik edən Sarina Viqmandan üstün olub.

Rəmzi yığmanın tərkibi isə belə olub: David De Xea, Dani Alveş, Marselo, Serxio Ramos, Rafael Varan, Eden Azar, Nqolo Kante, Luka Modriç, Kriştianu Ronaldu, Kilian Mbappe, Lionel Messi. Ronaldu və Messi mükafatlandırma mərasimində iştirak etməyib.

“Fair Play” mükafatına Türkiyənin “Erzurumspor BB” klubunun almaniyalı hücumçusu Lennart Tay layiq görülüb. Ən yaxşı fanat nominasiyasında isə Peru azarkeşləri birinci yeri tutub.

Ölkə.Az

ŞƏRH YAZ
0

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb
20:29
24.09.2018
321
İdman
A
Gürcüstanın Batumi şəhərində keçirilən 43-cü Ümumdünya Şahmat Olimpiadasına start verilib.

"Ölkә.Az" report-a istinadla xәbәr verir ki, Azərbaycanın kişilərdən ibarət əsas milli komandası ilk turda Beynəlxalq Fiziki Məhdudiyyətli Şahmat Assosiasiyasının (İPCA) kollektivi ilə üz-üzə gəlib.

Görüşlərdən sonra üstünlük əsas milli komandanın tərəfində olub. Arkadi Naydiç və Teymur Rəcəbov rəqibləri ilə heç-heçə edib. Eltac Səfərli və Rauf Məmmədov isə görüşlərini qələbə ilə başa vurublar.

Azərbaycan - Beynəlxalq Fiziki Məhdudiyyətli Şahmat Assosiasiyasının (İPCA) komandası - 3:1

Teymur Rəcəbov (2751) - İqor Yarmanov (2376) - 0,5:0,5

Arkadi Naydiç (2721) - Andrey Qurbanov (2305) - 0,5 - 0,5

Rauf Məmmədov (2699) - Dmitri Scerbin (2264) - 1:0

Eltac Səfərli (2676) - Andrey Tersinsev (2194) - 1:0 

Ölkә.Az

ŞƏRH YAZ
0
BAĞLA