AFFA hakimi döyən azərbaycanlı oyunçuya sərt cəza verdi

AFFA hakimi döyən azərbaycanlı oyunçuya sərt cəza verdi
14:55
10.01.2018
681
İdman
A
Bu gün AFFA İntizam Komitəsinin iclası keçirilib.

"Ölkə.Az" xəbər verir ki, iclasda Qızlar Liqasının “Fidan” FK – “Gənclik” matçında komandalar yaş limitini pozduğuna görə hər iki kluba 0:3 hesablı texniki məğlubiyyət verilib.

U-13 Qızlar Liqasının “Gömrükçü” FK – “Sumqayıt“ FK matçında isə qonaq komanda yaş limitini pozduğuna görə klub 0:3 hesablı texniki məğlubiyyətlə üzləşib.

Ən diqqətçəkən qərar isə futzal üzrə Azərbaycan birinciliyinin II dəstəsinin “Baku Fans” – ADBTİA matçı ilə bağlı olub. Dekabrın 27-də keçirilmiş oyunun 20-ci dəqiqəsində “Baku Fans” klubunun futzalçısı Aqşin Ömərov qırmızı vərəqə alaraq meydandan kənarlaşdırılarkən oyunun hakimi Yusif Nurullayevə qarşı fiziki təzyiq göstərərək, onu yumruqla vurub. Nəticədə hakim ciddi xəsarət alıb. Yuxarıda qeyd olunanları nəzərə alaraq İntizam Komitəsi oyunçunu iki il müddətinə futboldan kənarlaşdırıb.

Qeyd edək ki, oyun sonadək oynanılmadığına görə “Baku Fans” klubuna 0:5 hesablı texniki məğlubiyyət verilib.

ŞƏRH YAZ
0

Paralimpiya çempionu vəzifəyə təyin edildi

Paralimpiya çempionu vəzifəyə təyin edildi
12:11
Bu gün
211
İdman
A
Milli Paralimpiya Komitəsinin prezidenti İlqar Rəhimovun müvafiq əmri ilə Regionlarda Paralimpiya hərəkatının sürətli inkişafını və seleksiya işlərinin aparılmasını təmin etmək, həmçinin paralimpiya dəyərlərinin cəmiyyət arasında təbliğini gücləndirmək məqsədi ilə Gəncə şəhərində Azərbaycan Respublikası Milli Paralimpiya Komitəsinin Gəncə regional bölməsi yaradılıb.

"Ölkə.Az"ın məlumatına görə, bölmə Gəncə şəhəri də daxil olmaqla Göygöl, Samux, Şəmkir, Daşkəsən, Gədəbəy, Tovuz, Ağstafa və Qazax rayonlarında fəaliyyət göstərəcəkdir.

Paralimpiya çempionu Ramil Qasımov ictimai əsaslarla Azərbaycan Respublikası Milli Paralimpiya Komitəsinin Gəncə regional bölməsinin müdiri vəzifəsinə təyin edilib.

ŞƏRH YAZ
0

"Sumqayıt" Azərbaycan Premyer Liqasında ilk qələbəsini qazanıb

23:44
19.08.2018
318
İdman
A
Futbol üzrə Azərbaycan Premyer Liqasında II tura yekun vurulub.

"Ölkə.Az" Report-a istinadən xəbər verir ki, turun son oyununda debütant "Sabah" "Sumqayıt"ı qəbul edib.

"Əlincə Arena"da keçirilmiş görüş qonaqların qələbəsi ilə yekunlaşıb - 4:1.

Hərçənd, hesabı meydan sahibləri açıb. 10-cu dəqiqədə Marko Deviç fərqlənib. Bu, ukraynalı hücumçunun cari mövsümdə ikinci qolu olub.

Lakin "Sumqayıt" 18-ci dəqiqədə Nicat Muxtarovla hesabı bərabərləşdirib. 33-cü dəqiqədə Elvin Məmmədov penalti ilə, 44-cü dəqiqədə isə Şəhriyar Əliyev başla fərqlənib. Oyunda son nöqtəni isə 84-cü dəqiqədə Ülvi İsgəndərov qoyub. Beləliklə, "Sumqayıt" cari mövsümdə ilk qələbəsini darmadağınla əldə edib.

Turun ilk 3 oyununda "Qarabağ" səfərdə "Səbail"ə 1:0, "Neftçi" evdə "Qəbələ"yə 2:1 hesabı ilə qalib gəlib, "Zirə" isə "Keşlə" ilə heç-heçə edib - 1:1.

Ölkə.Az

ŞƏRH YAZ
0
BAĞLA