AFFA iki baş məşqçini cəzalandırıb

AFFA iki baş məşqçini cəzalandırıb
16:07
17.04.2018
283
İdman
A
AFFA İntizam Komitəsinin bugünkü iclasında Azərbaycan Kubokunun yarımfinal mərhələsinin ilk görüşləri və Premyer Liqanın XXIII turunda baş vermiş hüquq pozuntuları ilə bağlı qərarlar qəbul olunub.

"Ölkə.Az"ın məlumatına görə, qərarlarda bildirilir: Azərbaycan Kubokunun 1/2 final mərhələsinin “Qəbələ” – “Neftçi” matçının 68-ci dəqiqəsində “Qəbələ” klubunun azarkeşləri tərəfindən pirotexniki vasitələrdən istifadə edildiyinə görə klub 800 manat cərimə olunur (maddə 52).Oyunun 71-ci dəqiqəsində “Neftçi” klubunun azarkeşləri tərəfindən pirotexniki vasitələrdən istifadə edildiyinə görə klub 800 manat cərimə olunur (maddə 52).

Azərbaycan Kubokunun 1/2 final mərhələsinin “Keşlə” – “Sumqayıt” matçının 80-ci dəqiqəsində “Sumqayıt” klubunun baş məşqçisi Samir Abasov texniki zonadan kənarlaşdırıldığı üçün 1 oyun cəzalanır, klub 800 manat cərimə olunur (maddə 62).

Topaz Premyer Liqasının XXIII turunun “Sumqayıt” – “Keşlə” matçının 81-ci dəqiqəsində “Keşlə” klubunun 22 №-li futbolçusu Məqsəd İsayev ikinci sarı vərəqə alaraq meydançadan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Topaz Premyer Liqasının XXIII turunun “Qəbələ” – “Səbail” matçında “Qəbələ” klubunun 4 futbolçusu sarı vərəqə ilə cəzalandığı üçün klub 800 manat cərimə olunur (maddə 40).

Topaz Premyer Liqasının XXIII turunun “Kəpəz” – “Qarabağ” matçında “Kəpəz” klubunun 4 futbolçusu sarı vərəqə ilə cəzalandığı üçün klub 800 manat cərimə olunur (maddə 40).

Oyunun 37-ci dəqiqəsində “Kəpəz” klubunun azarkeşləri tərəfindən meydançaya kənar əşyalar atıldığı üçün klub 1600 manat cərimə olunur (maddə 52).

Topaz Premyer Liqasının XXIII turunun “Zirə” – “Neftçi” matçında “Neftçi” klubunun 4 futbolçusu sarı vərəqə ilə cəzalandığı üçün klub 800 manat cərimə olunur (maddə 40).

Oyunun 51-ci dəqiqəsində “Zirə” klubunun 18 №-li futbolçusu Yani Urdinov ikinci sarı vərəqə alaraq meydançadan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Oyunun 85-ci dəqiqəsində “Zirə” klubunun baş məşqçisi Ayxan Abbasov texniki zonadan kənarlaşdırıldığı üçün 1 oyun cəzalanır, klub 800 manat cərimə olunur(maddə 62). İntizam Komitəsinin 21 fevral 2018 - ci il 25 №-li protokoluna əsasən “Zirə” klubunun baş məşqçisi Ayxan Abbasova verilmiş 5 oyun cəzanın 3 oyunu şərti cəza kimi tətbiq edib və ona 6 ay sınaq müddəti vermişdir. Sınaq müddəti ərzində baş məşqçi yenidən cəzalandığına görə sanksiyanın növbəti hissəsi qüvvəyə minir.(maddə 33).

ŞƏRH YAZ
0

“Liverpul” “Roma” oyununda — 7 QOL

“Liverpul” “Roma” oyununda
00:55
Bu gün
376
İdman
A
Çempionlar Liqasının ilk yarımfinal oyunu keçirilib.

"Ölkə.Az"ın məlumatına görə, ilk oyun İngiltərədə “Liverpul” və “Roma” arasında keçirilib.

Yüksək sürət şəraitində keçirilən oyunda 7 qol vurulub. Meydan sahibləri 5:2 hesablı qələbə qazanıb.

Qollar: Salah (36, 45), Mane (56), Firminyo (62,69), Dzeko (81), Perotti (85 - pen.)

Ölkə.Az

ŞƏRH YAZ
0

“Formula 1” üzrә Azәrbaycan Qran Prisindә әylәncәsevәrlәrә xüsusi imkan tәklif edilib

“Formula 1” üzrә Azәrbaycan Qran Prisindә әylәncәsevәrlәrә xüsusi imkan tәklif edilib
20:15
24.04.2018
244
İdman
A
Bakı Şəhər Halqası Əməliyyat Şirkəti (BŞH) “Formula 1” üzrə Azərbaycan Qran Prisi ərzində hər gün axşam saatlarından etibarən ardıcıllıqla keçiriləcək konsert və partilərdə dünya ulduzları, eləcə də məşhur DJ-lərə ən yaxın mövqedə yer tutmaq istəyən əyləncəsevərlərə xüsusi imkan təklif edir.

"Ölkә.Az" xәbәr verir ki, BŞH-dan “Report”a verilən məlumata görə, arzuedən hər kəs “Golden Circle” adlanan səhnənin tam qarşısındakı hissəyə bilet alaraq Bakıya təşrif buyurmuş dünya şöhrətli sənətçilərin möhtəşəm performanslarını ən yaxından izləyə biləcəklər.

Yarışa bileti olan tamaşaçılar “Golden Circle” imkanından yararlana biləcəklər. Bunun üçün bilet sahibləri aldıqları biletə ya gündəlik əlavə 80 manat, ya da bir dəfəyə üç gün üçün cəmi 200 manat ödəniş etməlidirlər.

Bütün bilet sahibləri aprelin 27-29-da axşam saatlarından etibarən keçiriləcək konsert və əyləncə proqramlarında pulsuz iştirak edə biləcəklər. Aprelin 27-si əvvəlcə səhnəyə Jamiroquai qrupu çıxacaq və sonra onun ardınca gecə saatlarında DJ Afrojack-ın iştirakı ilə əyləncə proqramı baş tutacaq. Aprelin 28-i bir-birinin ardınca səhnədə Kristina Aqilera ilə Axwell Λ Ingrosso, aprelin 29-da isə Dua Lipa ilə Martin Solveig yer alacaq.

Həmçinin DJ-lərin iştirakı ilə baş tutacaq partilərə biletlər gündəlik satılır və bu biletlərin birgünlük qiyməti “Golden Circle” üçün 50 manat, digər yerlər üçünsə 30 manat təşkil edir. Əyləncə həvəskarları partilər üçün biletləri www.iticket.az saytına daxil olaraq onlayn şəkildə və ya şəhərin müvafiq kassalarından ala bilərlər.

Ölkә.Az

ŞƏRH YAZ
0
BAĞLA