AFFA milli komandalarımızın baş məşqçilərini qovdu

AFFA milli komandalarımızın baş məşqçilərini qovdu
23:46
19.10.2017
567
İdman
A
AFFA milli komandalarımızın baş məşqçiləri ilə bağlı yeni qərar qəbul edib.

“Ölkə.Az”ın “yenicag.az”a istinadən məlumatına görə, assosiasiya rəhbərliyi U-17 millimizin baş məşqçisi Mirbağır İsayevlə U-19-un çalışdırıcısı Təbriz Həsənovu tutduqları postlardan uzaqlaşdırıb.

Buna isə yığmaların hər iki baş məşqçinin rəhbərliyi altında uğursuz çıxışı səbəb olub.

Əldə edilən məlumata görə, U-21 millimizin baş məşqçisi Samir Ələkbərovu da eyni aqibət gözləyir.

Qeyd edək ki, U-17 millimiz  son olaraq Avropa çempionatının seçmə qrup mərhələsində uğursuz çıxış edib. Mirbağır İsayevin rəhbərlik etdiyi milli İrlandiyaya 0:6, Ukraynaya 1:6 hesabı ilə məğlub olub, yeganə qələbəsini isə Bolqarıstan üzərində qazanıb – 2:1.

Təbriz Həsənovun başçılıq etdiyi U-19 isə Avropa çempionatının ilkin seçmə mərhələsində Kipr yığmasına 1:2, Serbiyaya 1:4 hesabı ilə uduzub, İrlandiya ilə isə qolsuz bərabərə qalıb.

Ölkə.Az

ŞƏRH YAZ
0

Məsut Özil Almaniya komandasından ayrıldı — “İrqçilik edirlər”

Məsut Özil Almaniya komandasından ayrıldı
23:32
22.07.2018
451
İdman
A
Türk əsilli Almaniya futboçusu Məsut Özil ölkənin milli futbol komandası ilə yollarını ayırıb.

“Ölkə.Az” Türkiyə mətbuatına istinadən xəbər verir ki, o, buna səbəb kimi özünə qarşı irqçi və hörmətsiz münasibətin olduğunu deyib.

Məsələ ilə bağlı açıqlama verən Özil bunları deyib: “Almaniya üçün etdiklərim unuduldu. Mənə qarşı olan münasibəti, türklüyümə sayqı göstərməmələri səbr kasamı dolduran son damla oldu. İrqçiliyi qəbul edə bilmərəm. Artıq Almaniya millisində oynamaq istəmirəm”.

Ölkə.Az

 

ŞƏRH YAZ
0

Azərbaycan cüdoçusu Praqada gümüş medal qazandı

Azərbaycan cüdoçusu Praqada gümüş medal qazandı
20:46
22.07.2018
653
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışına yekun vurulub.

"Ölkə.Az" Azərbaycan Cüdo Federasiyasına istinadən xəbər verir ki, mötəbər turnirin ikinci günündə millimiz aktivinə daha bir medal yazdırıb.

81 kq çəki dərəcəsində ölkəmizi təmsil edən Murad Fətiyev yalnız final qarşılaşmasında üstünlüyü əldən verərək Avropa Kubokunun gümüş medalına sahib olub.

Bununla da, cüdoçlarımız yarışı 2 qızıl, 3 gümüş və 4 bürünc medalla başa vuraraq ümumi medal sayında ikinci olublar.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunub.

Ölkə.Az

ŞƏRH YAZ
0
BAĞLA