AFFA-nın baş katibi oyun alverindən danışdı — "Bu virusun kökünü kəsəcəyik"

AFFA-nın baş katibi oyun alverindən danışdı
15:18
06.12.2017
1162
İdman
A
“Son günlər Azərbaycan futbolunda diqqəti dərhal cəlb edən proseslər baş verməkdədir. Əlbəttə, bu proseslərdə təəssüfləndiyimiz məqamlar bir xeyli olsa da, futbolumuzun şəffaflığı naminə bu istiqamətdə addımların atılması, işlərin görülməsi vacibdi”.

"Ölkə.Az"ın Apasport-a istinadən məlumatına görə, bu sözləri AFFA-nın baş katibi Elxan Məmmədov deyib.
 
O, qurumun rəsmi saytına açıqlamasında idman oyunlarının nəticələrinin manipulyasiyası ilə bağlı son günlər baş verən proseslər barədə fikirlərini bildirib: “Dünyanın müxtəlif yerlərində idman oyunlarının nəticəsinin manipulyasiyası cəhdlərinə rast gəlinir. Bəzi futbol federasiyaları bununla çox ciddi şəkildə mübarizə aparsa da, müəyyən federasiyalarda aktivlik yüksək səviyyədə olmur. Düşünürəm ki, biz bu neqativ halla çox ciddi şəkildə mübarizə aparmalıyıq və aparırıq. Bu səhədə mütəmadi qaydada UEFA ilə sıx əməkdaşlıq edirik. Oyunların nəticəsinin manipulyasiyası cəhdlərinin yolverilməz olduğunu, AFFA-nın buna qarşı ciddi mübarizə apardığını dəfələrlə assosiasiya rəhbərliyi müxtəlif tədbirlərdə, müxtəlif tribunalarda səsləndirib. AFFA-nın son Konfransında bu məsələ ilə bağlı ictimaiyyətə təfsilatlı təqdimat nümayiş olunub, bütün detallar izah olunub. Müxtəlif maarifləndirici tədbirlər keçirilib. Bu ilin noyabrında AFFA-nın inzibati binasında təşkil olunmuş növbəti tədbirdə prokurorluq təmsilçisi çıxış edərək idman oyunlarının nəticələrinin manipulyasiyasının cinayət tərkibli əməl olduğunu bir daha xüsusui vurğulayıb. Yeri gəlmişkən, bu məsələyə həssas yanaşdığı üçün hökumətimizə minnətdarlığımı bildirirəm. Çox qısa zaman ərzində müvafiq qanun qəbul olundu, Cinayət Məcəlləsinə idman oyunlarının nəticələrinin manipulyasiyası ilə bağlı xüsusi maddə əlavə edildi”.
 
Baş katib ötən mövsüm də bu məsələnin çox ciddi şəkildə diqqət mərkəzində saxlanıldığını qeyd edib: “Birinci Divizionda çıxış edən bir neçə klub, futbolçular, inzibati heyətin üzvləri, hakim sərt şəkildə cəzalandı. Təəssüf ki, bu virus cari mövsümdə özünü Premyer Liqada da büruzə verməyə başladı. İctimaiyyət məlumatlıdır ki, AFFA-nın İntizam Komitəsi iki futbolçu və bir məşqçi barədə çox qəti və kəskin qərar qəbul edib, onlara futbol məşğuliyyəti qadağan olunub. Yeri gəlmişkən, 2016-cı ildə AFFA-nın təşəbbüsü ilə futbol klublarının bütün üzvləri idman oyunlarının nəticələrinin manipulyasiyasında iştirak etməyəcəyi və bununla bağlı məlumatı olarsa, müvafiq instansiyaları məlumatlandıracağı ilə əlaqədar öhdəliklərin yer aldığı bəyannaməyə imza atıblar. İntizam Komitəsinin sanksiya tətbiq etdiyi şəxslər də həmin bəyannaməni imzalamışdılar”.
 
Məmmədov bildirib ki, araşdırmalar davam etdiyindən cəzalananların sayı artması istisna deyil: “Qeyd etdiyim kimi, artıq cəzalar var, amma hər şey bununla bitmir. AFFA-nın və məndə olan məlumata görə, hüquq-mühafizə orqanlarının araşdırması davam edir. Sevindirici məqam ondan ibarətdir ki, futbolumuzun şəffaflığını arzulayan şəxslər – klub idarəçiləri, məşqçilər, futbolçular və futbolumuzda bu və ya digər şəkildə təmsil olunan başqa şəxslər araşdırmanın aparılmasına öz yardımını göstərir, bizimlə sıx əməkdaşlıq edir. Fürsətdən istifadə edib həm hüquq-mühafizə orqanlarına, həm də bizim əməkdaşlıq edən futbol ictimaiyyətinin nümayəndələrinə təşəkkür edirəm. Növbəti dəfə bildirirəm ki, AFFA idman oyunlarının nəticələrinin manipulyasiyası cəhdlərini çox kəskin şəkildə pisləyir və Azərbaycan futbolundan bu virusun kökünün kəsilməsi üçün mübarizəni davam etdirəcək”.

 

ŞƏRH YAZ
0

Azərbaycanlı futbolçu evlənir — FOTOLAR

Azərbaycanlı futbolçu evlənir
23:00
16.12.2017
2584
İdman
A
“Kəpəz” klubunun baş məşqçisi Şahin Diniyevin oğlu Coşqunun toyudur.

Ölkə.Az Qafqazinfo-ya istinadən xəbər verir ki, paytaxt restoranlarından birində keçirilən toy məclisində şou-biznes üzvləri və futbolçular da iştirak edir.

Qeyd edək ki, 22 yaşlı Coşqun hazırda “Qarabağ” klubunun üzvüdür

ŞƏRH YAZ
0

Qurban Qurbanovun millidə İLLİK QAZANCI məlum oldu

Qurban Qurbanovun millidə İLLİK QAZANCI məlum oldu
22:13
16.12.2017
4894
İdman
A
Azərbaycanın Futbol Federasiyası ilə 6 illik müqavilə bağlayan Qurban Qurbanovun illik qazancı məlum olub.

Ölkə.Az sportlife.az-a istinadən xəbər verir ki, təcrübəli mütəxəssis yeni sözləşməyə əsasən hər il üçün 1 milyon manat alacaq.

Qurban Qurbanovun komandası 2020-ci ildə keçiriləcək avropa çempionatına vəsiqə qazanarsa, məşqçi 200 min manat əlavə gəlir əldə edəcək.

Qeyd edək ki, Robert Prosineçkinin Azərbaycanda illik qazancı 1,2 milyon avro idi.

ŞƏRH YAZ
0
BAĞLA