Afiq Səfərov Eynulla Fətullayevin nağıl danışdığını deyir — "İctimaiyyət onu qeyri-ciddi qəbul edir"

Afiq Səfərov Eynulla Fətullayevin nağıl danışdığını deyir
13:19
21.11.2017
1731
Ölkə
A

"Haqq və nahaq meyarlarını tez-tez dəyişən və bu anlayışları öz şəxsi maraqlarına uyğunlaşdıraraq hərəkət edən bir adamın dediklərinə reaksiya verməmək də olardı. Lakin, danışdıqları nağıllara az da olsa inananların ola biləcəyini nəzərə alıb cavab veririk ki, dəyişkən mövqeyini az qala fəsillərə uyğunlaşdıran Eynulla Fətullayevin "Azərsun Holdinq"in Müşahidə Şurasının sədri Abdulbari Gözəl haqqında dedikləri başdan ayağa uydurmadır".

"Ölkə.Az" xəbər verir ki, bunu "Azərfaks"a açıqlamasında "Azərsun Holdinq"in biznesin təşkili və ictimaiyyətlə əlaqələr departamentinin rəhbəri Afiq Səfərov  deyib.

A.Səfərov jurnalist Eynulla Fətullayevin hazırda Almaniyada mühacir həyatı yaşayan sabiq deputat Hüseyn Abdullayev tərəfindən "Azərsun Holdinq"in İdarə Heyətinin sədri Abdulbari Gözəlin iş otağına basqın edilməsi və 180 min dollar civarında vəsaitin qarət olunması barədə yazdıqlarına münasibət bildirərkən qeyd edib ki, onun yazdıqları həqiqətdən uzaqdır:

"Belə bir hadisə olmayıb və ola da bilməzdi. Bunu iddia edən adam fərqinə varmalıdır ki, onun dediklərini ictimaiyyət artıq qeyri-ciddi qəbul edir, özünə və imzasına isə sayğısız yanaşır. Çünki hər kəsdə bir əminlik var ki,  o, sabah tamam başqa havalara qol qaldırıb oynayacaq və bu gün dediklərinin  tam əksini isbat etməyə meyillənəcək.  Hələ ki, payız ruhundadır, qarşıda qışı, yazı, yayı var".

ŞƏRH YAZ
0

Azərbaycanlı alimin ixtirası dəm qazı faciəsinə son qoyacaq — VİDEO

Azərbaycanlı alimin ixtirası dəm qazı faciəsinə son qoyacaq
21:28
Bu gün
383
Ölkə
A
Azərbaycanlı alim dəm qazından qorunmaq üçün yeni qurğu ixtira edib.

Ölkə.Az-ın Xəzər TV-yə istinadən məlumatına əsasən, Azərbaycan Dövlət Aqrar Universitetinin Texniki mexanika və qrafika kafedrasının müdiri, texnika üzrə fəlsəfə doktoru Şahlar Babayevin ixtira etdiyi sadə quruluşlu qurğunun fəaliyyəti üçün heç bir enerji sərf olunmur. Çünki qurğu yalnız küləyin, yaxud evdə yaranmış dəm qazının təsiri ilə işləyir. 

Alimin sözlərinə görə, zəhərlənmənin əsas səbəblərindən biri də bacalara daxil olan və oradan dəm qazının hərəkətinə mane olan küləkdir. Bu qurğu isə külək nəticəsində işə düşür. Hündürmərtəbəli binaların damındakı bacalara, yaxud tüstü borularına quraşdırılan yeni qurğu atmosferin üst qatındakı külək nəticəsində işə düşür.

Qurğu üçün Standartlaşdırma, Metrologiya və Patent İdarəsi tərəfindən iki patent alınıb. Hazırda qurğunun daha da təkmilləşdirilməsi işlər davam etdirilir.

Quruluşu çox sadə olduğu üçün bu qurğunu çilingər emalatxanalarında da düzəltmək mümkündür. Şahlar Babayevin əsas istəyi həmin qurğunun sənayedə kütləvi istehsalına nail olmaqdır.

 

ŞƏRH YAZ
0

Azərbaycan vətəndaşlığı alanların sayı açıqlandı — RƏSMİ

Azərbaycan vətəndaşlığı alanların sayı açıqlandı
19:31
Bu gün
1474
Ölkə
A
“Azərbaycan hökuməti miqrantların hüquqlarının qorunması istiqamətində iş aparır”.

"Ölkə.Az" APA-ya istinadən xəbər verir ki, bunu Dövlәt Miqrasiya Xidmәti (DMX) rәisinin müavini, III dərəcəli dövlət miqrasiya xidməti müşaviri Pәrviz Musayev Beynәlxalq Miqrant Gününә hәsr edilmiş tәdbirdə çıxışı zamanı deyib.

O bildirib ki, 2017-ci ilin 11 ayı ərzində 38020 nəfərə müvəqqəti, 2752 nəfərə daimi yaşama icazələri verilib.

P. Musayev qeyd edib ki, 378-i vətəndaşlığı olmayan şəxs olmaqla, 573 nəfər Azərbaycan vətəndaşlığına qəbul edilib: “3 nəfər ərizəçiyə, ailə üzvləri ilə birlikdə 8 nəfərə qaçqın statusu verilib. Ümumilikdə, 67 şəxs qaçqın statusu ilə Dövlət Miqrasiya Xidmətində qeydiyyatdadır. Onlardan 44 nəfəri ərizəçi, 23 nəfəri isə ərizəçinin ailə üzvləridir. 10 min nəfərdən çox əcnəbinin öz ölkələrinə qayıtmaları təmin edilib”.

ŞƏRH YAZ
0
BAĞLA