Afrika ölkələri Trampın üzr istəməsini tələb edib

Afrika ölkələri Trampın üzr istəməsini tələb edib
12:41
14.01.2018
2364
Dünya
A
Afrika ölkələrinin BMT-dəki səfirləri ABŞ prezidenti Donald Trampın son bəyanatlarını qınayaraq onun üzr istəməsini tələb edib.

Trend-in məlumatına görə, səfirlər ABŞ liderinin ölkələri haqqında sözlərini “yolverilməz” və “irqçi” adlandırıb.
 
Xatırladaq ki, ABŞ mətbuatının yaydığı məlumata görə, Ağ Evdə keçirilən müşavirədə Donald Tramp üçüncü dünya ölkələrini “murdar” adlandırıb. Onun bu sözləri deyərkən Haiti, Salvador və bir sıra Afrika ölkələrini nəzərdə tutduğu bildirilir.

Ölkə.Az

ŞƏRH YAZ
0

Türkiyə ordusu həftə ərzində 56 terrorçunu zərərsizləşdirib

Türkiyə ordusu həftə ərzində 56 terrorçunu zərərsizləşdirib
00:48
Bu gün
100
Dünya
A
Türkiyənin təhlükəsizlik qüvvələrinin Şırnak, Siirt, Diyarbəkir, Ağrı vilayətlərində və İraqın şimalında sentyabrın 14-dən 20-dək keçirdikləri antiterror əməliyyatları zamanı 56 terrorçu zərərsizləşdirilib.

"Öı"Anadolu" agentliyinə istinadən xəbər verir ki, bu barədə ölkənin Silahlı Qüvvələrinin Baş Qərargahı məlumat yayıb.

Bildirilir ki, zərərsizləşdirilənlər arasında PKK-nın İraqdakı qolunun rəhbərlərindən biri də var. Bundan əlavə, Türkiyənin təhlükəsizlik qüvvələri əməliyyatların gedişində narkotik ticarətçilərindən və qaçaqmalçılardan 41,94 min ədəd qutu papiros, 669 min çətənə kolu və 725 kiloqram narkotik vasitə müsadirə ediblər.

Türkiyə hərbçilərinin "Zeytun budağı" əməliyyatının başlanğıcından zərərsizləşdirdiyi terrorçuların sayı 4573 nəfərə çatıb. Əməliyyatın başlanğıcından bu günə kimi terrorçularla döyüşlərdə Türkiyə ordusunun 54 hərbçisi həlak olub, 241 nəfər yaralanıb.  

Ölkə.Az

ŞƏRH YAZ
0

Tanzaniyada bərənin qəzaya uğraması nəticəsində ölənlərin sayı 136-ya çatıb

Tanzaniyada bərənin qəzaya uğraması nəticəsində ölənlərin sayı 136-ya çatıb
22:52
21.09.2018
247
Dünya
A
Tanzaniya prezidenti Con Maqufuli Viktoriya gölündə sərnişin bərəsinin qəzaya uğraması nəticəsində insan tələfatı ilə əlaqədar ölkədə 4 günlük matəm elan edib.

"Ölkə.Az" bu bu barədə "Agency France Presse"yə istinadən xəbər verir.

"Mən bu gündən başlayaraq 4 günlük matəm elan etməyə qərar verdim", - deyə prezident bildirib.

Sərnişin bərəsi cümə axşamı Yukora adasından 50 metr məsafədə aşıb. Hadisə zamanı bərədə normadan iki dəfə çox - 200 nəfər olub. Gəmi həmçinin yük – qarğıdalı, banan və sement daşıyırmış. 

"Reuters"in polis nümayəndəsinə istinadən məlumatına görə, qəza nəticəsində ölənlərin sayı 136 nəfərə çatıb.

Ölkə.Az

ŞƏRH YAZ
0
BAĞLA