Afrika qitəsinin ətrafından dolanıb Ümid burnunu ilk keçən müsəlman heyəti Səfəvilərin imiş!? — TARİXİ FAKT

Afrika qitəsinin ətrafından dolanıb Ümid burnunu ilk keçən müsəlman heyəti Səfəvilərin imiş!?
10:55
12.06.2018
4389
Maraqlı
A
Səfəvilər dövləti qurulduğu gündən digər dövlətlərlə əlaqələr qurmağa başladı. Osmanlı dövləti ilə daim müharibə aparan Səfəvilər Avropa ölkələri ilə əlaqələr qurmağa başladılar. Bu əlaqə Osmanlı təhlükəsindən qurtulmaq üçün əslində Avropa ölkələrinin də maraq dairəsində idi.

“Ölkə.Az” bu  gün oxuculara Səfəvinin Avropa ölkələri ilə əlaqəsindən bəhs edəcək.

Məsələn, 1499-1502-ci illərdə Venesiya-Türkiyə müharibələri ərəfəsində Venesiya diplomatı Konstantino Laskari Qaraman bəyliyi və Səfəvilərlə danışıq aparmaq üçün Azərbaycana gəlmişdi. K.Laskari vətənə qayıdıb danışıqlar barədə 1502-ci il oktyabrın 14-də Venesiya hökumətinə hesabat vermiş, Səfəvilərin odlu atəş əldə etmək istədiklərini bildirmişdi. K.Laskari əlavə etmişdi ki, "türk mənşəli Səfəvi əsgərinin, ümumən bu xalqın hərbi döyüşdə silah işlətməkdə zəngin təcrübəsi var. Bu xalqın hərbi döyüşdə silah işlətməkdə zəngin təcrübəsi var. Bu xalq üçün başlıca məsələ silah və atdır. Səfəvi qoşununda "döyüş qaydası" mütləq hakimdir.

B.Amorettinin toplusunda Şah İsmayılın 1505-ci ilin yanvarında Venesiya respublikasının doju Leonardo Loredanoya yazdığı məktub daha dəyərlidir. Səfəvi şahı məktub yazır: "Biz bütün Əcəm ölkəsini işğal etdik, indi çiçəklənir. Allahın kəramətinə inanırıq ki, elə bu ümidə düşməni üzərində daha böyük qələbələr əldə edəcəyik. Venesiya respublikası və digər Qərb dövlətləri ilə hərbi-siyasi ittifaq yaratmaq üçün məşhur hakim Əli bəy Avropaya göndərildi".
Osmanlı imperiyasının işğalçılıq siyasəti Avropa dövlətlərindən Polşa, Macarıstan, Almaniyanın Hapsburq hökmranlığı və İtaliya üçün də böyük təhlükə törətmişdi. Buna görə də Çaldıran döyüşlərindən sonra Səfəvilərin bu dövlətlərlə diplomatik münasibətləri genişləndi. 

Bu əlaqələrin genişlənməsi isə bir çox nümayəndə heyətinin Avropa səfərləri ilə müşayət olundu. Amma ortada maraqlı bir fakt var. Fakta əsasən, Afrika qitəsini dolanıb Ümid burnundan keçən ilk müsəlman heyəti məhz Səfəvilər olub. Bu faktı “Ölkə.Az”a tarixçi-alim Əkbər Nəcəf verib.

1599-cu ildə Hüseyn Əli Bəy başçılığındakı böyük Səfəvi elçi heyəti İsfahandan yola çıxaraq Rusiya üzərindən Avropaya hərəkət etdi. Səfər uzun, çətin və ağır idi. Hətta heyətin bəzi əşyaları Avropada oğurlandı. Oğruların çoxu da heyəti Avropaya aparan ingilislər imiş.

Böyük çətinliklərdən sonra heyət bir sıra Avropa ölkəsini ziyarət etməyə nail oldu: Rusiya, Almaniya, Roma Papalığı, İspaniya və çox sayda kiçik hersoqluqlar.

Üç illik səfərdən sonra Səfəvi heyəti Lissabonda bir gəmi kirayələyib Afrikanın sahil xəttini izləyərək Səfəvi ölkəsinə qayıtdı. Beləcə, Hüseyn Əli Bəy Afrikanı ətrafından dolanaraq, Ümid burnunu keçən ilk müsəlman heyətinə rəhbərlik edib.

Hikmət Həsənov
Ölkə.Az

ŞƏRH YAZ
0

Almaniyada üçüncü cins rəsmən qanuniləşdirildi

Almaniyada üçüncü cins rəsmən qanuniləşdirildi
22:17
Bu gün
859
Maraqlı
A
Almaniya hökuməti vətəndaş vəziyyətinin qeydiyyatı kitablarına üçüncü cinsin daxil edilməsi barədə sərəncam verib.

"Ölkə.Az" xəbər verir ki, bu barədə “Twitter”də ölkə DİN-i məlumat yayıb.

Düzəlişlərə əsasən, Almaniyada “kişi” və “qadın” cinsindən əlavə “interseksual” cins də olacaq.
Beləliklə, Almaniya hökuməti özünün hansı cinsə aid olduğunu müəyyən etməkdə çətinlik çəkən insanlara yardım etmək niyyətindədir.

Qeyd edilir ki, qanun layihəsi Almaniyanın Konstitusiya Məhkəməsinin qərarına uyğun olaraq hazırlanıb və indi Bundestaq buna münasibət bildirməlidir.

Dünyada “üçüncü cins” həmçinin Avstriyada, Avstraliyada, Yeni Zelandiyada, ABŞ-da, Kanadada, Hindistanda, Pakistanda və Nepalda tətbiq edilir.

Ölkə.Az

ŞƏRH YAZ
0

Filippində yolu keçən qara kabusu lentə aldılar — FOTO / VİDEO

Filippində yolu keçən qara kabusu lentə aldılar
15:29
Bu gün
3242
Maraqlı
A
Filippində qəribə hadisə baş verib.

“Ölkə.Az” xəbər verir ki, küçədə yolu keçən qara kabus və ya insan ruhu kameraya düşüb.

Hadisə Panqasinan vilayətində baş verib. Küçədə qurulan müşahidə kamerası qəribə insan fiqurunun küçəni keçməsini lentə alıb. Bu fiqur qara tüstüyə bənzəyir. Kabus səkidə peyda olur və dayanmadan küçəni keçir. Ruh küçəni keçəndə sürətlə ona avtomobil, yük maşınl və motosiklet yaxınlaşır. Kabus dayanmır və nəqliyyat vasitələri onun üstündən keçir. Görünən odur ki, sürücülər də ruhu görməyiblər və sürətlərini azaltmayıblar.

Siluet zəif sezilir və onun geyimdə olub-olmadığı bilinmir. Görünən sadəcə hərəkət edən ayaqlardır.

Hadisədən 13 saat sonra eyni fiquru meyvə dükanı yanında görənlər olub. Yerli sakinlər qorxuya düşüblər və qeyd edirlər ki, bu, ərazidə öldürülmüş insanın ruhudur və qisas almağa gəlib.

Hikmət Həsənov
Ölkə.Az

ŞƏRH YAZ
0
BAĞLA