Ağ Ev Trampın Merkelin əlini sıxmamasına aydınlıq gətirib

Ağ Ev Trampın Merkelin əlini sıxmamasına aydınlıq gətirib
18:00
19.03.2017
48
Dünya
A
ABŞ mətbuat katibi Şon Spayser ABŞ prezidenti Donald Trampın Almaniya baş naziri Angela Merkelin əlini sıxmamasına aydınlıq gətirib.

Ölkə.Az-ın APA-ya istinadən verdiyi məlumata görə, Ş. Spayser D. Trampın jurnalistlərin bununla bağlı müraciətini eşitmədiyini güman etdiyini söyləyib.

Qeyd edək ki, D. Tramp və A. Merkelin görüşü zamanı jurnalistlər onların bir-birlərinin əlini sıxmasını xahiş ediblər. A. Merkel də D. Trampın əlini sıxmaq üçün baxsa da, D. Tramp ona reaksiya verməyib.

ŞƏRH YAZ
0

Porno izləmək sağlamlığa ziyanmış

Porno izləmək sağlamlığa ziyanmış
00:58
Bu gün
38
Dünya
A
Porno izləmək milyonlarla insanın sevimli məşğuliyyətidir. Bu halın doğru və ya yalnış olmasını deyə bilmərik, lakin ABŞ-ın Florida ştatında qəbul edilən qərarlar bütün dünyada müzakirə mövzusuna çevrilib.

“Ölkə.Az” xəbər verir ki, müzakirələrdə tərəzinin bir gözündə silahlanma, digərində isə pornoqrafik videolar izləmək durub.

Floridada bir neçə gün bundan qabaq dəhşətli hadisə yaşanmışdı. Ştatdakı bir məktəbə hücum edən Nikolas Kruz adlı gənc 17 nəfəri öldürmüşdü.

Bu hadisədən dərhal sonra sağ qalan uşaqların ailələri silahların qadağan edilməsi barədə yerli orqanlara təzyiq göstərmişdi. Onlar, qanunla silah və sursatların qadağasını tələb etmişdilər. Bu qanun layihəsi 36-71 nisbətindəki səs azlığı ilə qəbul edilmədi. Əvəzində isə qalmaqallı bir qanun layihəsi məclisdə qəbul olundu.

Hücum silahlarını və 17 nəfərin ölməsini sosial təhlükə olaraq görməyən Florida parlamenti pornoqrafiyanın sosial sağlamlıq təhdidi olduğuna dair qanun hazırladı. “Uşaqlarımızı və gənclərimizi pornodan qorumalıyıq” başlıqlı qanun layihəsi geniş polemikaya səbəb olub.

Independent qəzeti isə belə bir açıqlama yayıb:
“Pornoqrafiyanın sağlamlığa təhdid olduğunu elan etməyə çalışaraq vaxtımızı mənasız yerə itiririk. Davamlı olaraq bu mövzuda iş görülür, lakin silahların qadağan edilməsi haqqında heç bir müzakirə eşitmirik. Bu çox təəssüfedicidir, cünki uşaqlarımızı pornoqrafiya yox, silahlar öldürür”.

Ölkə.Az

ŞƏRH YAZ
0

Putin Müdafiə Nazirliklərinin rəhbər şəxsləri ilə görüşdü — FOTO

Putin Müdafiə Nazirliklərinin rəhbər şəxsləri ilə görüşdü
23:05
22.02.2018
427
Dünya
A
Rusiya prezidenti Vladimir Putin Kreml sarayında Vətən Müdafiəçiləri Günü münasibətilə 23 fevralda keçiriləcək konsert proqramına dəvət olunan Azərbaycan, Venesuela, Qazaxıstan, Qətər, Monqolustan, Serbiya, Özbəkistan, Belarus, Qırğızıstan və Ermənistanın Müdafiə Nazirliklərinin rəhbər şəxsləri ilə görüşüb.

“Ölkə.Az” xəbər verir ki, bu barədə Kreml sarayının rəsmi saytı məlumat yayıb.

Putin görüş zamanı ölkələr arasında hərbi sahədə olan qarşılıqlı etimadın dəyərindən danışıb:

"Sizin, bir paqon gəzdirən insan kimi, silahlara, orduya, dövlətin bütün güc komponentlərinə xüsusi münasibətiniz var. Siz buna nə dərəcədə diqqətli yanaşmalı olduğunuzu və hərbi iş kimi həssas sahədə etimadın necə yüksək qiymətləndirildiyini hamıdan yaxşı bilirsiniz. 23 fevralı silahlı qüvvələrin inkişafı ilə əlaqəli olan tarixi gün sayanları ikiqat təbrik edirəm. Hamınıza, hərbçilərinizə, xalqlarınıza ən xoş arzularımı diləyirəm. Sizlərə öz dövlətinizin təhlükəsizliyini təmin etməkdə uğurlar arzulayıram".

Putin nazir və nazir müavinlərinə dövlət təhlükəsizliyini təmin etməkdə uğurlar arzulayıb. O əlavə edib ki, müdafiə naziri Sergey Şoyqu qonaqları müdafiə və xüsusi hallar üçün yaradılan Milli Mərkəzlə tanış edəcək.

"Ümid edirəm ki, Moskvada Rusiya Müdafiə Nazirliyinin işi ilə tanış olmaq üçün vaxtınız olacaq. Biz müasir Milli Müdafiə Mərkəzi qurmuşuq. Ümid edirəm ki, bu təcrübə sizin ölkələrinizdə də istifadə oluna bilər".

Daha sonra Rusiya prezidenti rəsmilərlə şampan şərabı içərək səmimi söhbət edib.

Ölkə.Az

ŞƏRH YAZ
0
BAĞLA