Ağ Evdə istefa dalğası
ABŞ prezidentinin Yaxın Şərq məsələləri üzrə baş məsləhətçisi Derek Xarvi istefa verib.
“Ölkə.Az” xəbər verir ki, milli təhlükəsizlik şurasının mətbuat katibi Maykl Enton bu barədə məlumat verib.
Onun sözlərinə əsasən prezidentin milli təhlükəsizlik məsələləri üzrə müşaviri Gerbert Makmaster Harvinin xidmətini yüksək qiymətləndirir. Bununla belə, istefanın səbəbi bilinmir. Ehtimal edilir ki, Harvi strukturu tərk etmir, o, işinə başqa vəzifədə davam edəcək. Enton qeyd edib ki, administrasiya polkovnik Harvinin təcrübəsindən istifadə etmək niyyətindədir.
Son dövrlər ABŞ-ın təhlükəsizlik strukturlarında Suriya, İran və İraq məsələlərinə görə gərgin vəziyyət yaranıb. Harvi İrana qarşı sərt addımların atılmasını, Suriyada fəaliyyətin genişləndirilməsini tələb edirdi.
Hikmət Həsənov
Ölkə.Az