Ağ Evin yeni Kommunikasiya Direkoru məlum oldu
ABŞ prezidenti Donald Tramp səlahiyyətlərini icra etməyə başladığı gündən Ağ Evin Kommunikasiya Direktoru vəzifəsinə tamamən sahiblənən bir şəxs olmayıb.
"Ölkə.Az" xəbər verir ki, nəhayət bu "lənətli" vəzifənin sahibi məlum olub.
Ötən ay Entoni Skaramussi 10 gün bu vəzifədə oturdu amma sərt açıqlamaları və qalmaqallarına görə tutduğu postdan uzaqlaşdırıldı.
ABŞ mətbuatının xəbərinə əsasən Ağ Evin Kommunikasiya Direktoru vəzifəsinə 28 yaşlı PR mütəxəssisi Hop Hiks gətirilib. Hiks Trampın mətbuat xidmətində işləyib və seçki kampaniyasında da iştirak edib. Təklifi ona Tramp özü edib. Hiks isə təklifi qəbul edib.
Karyerasına 2012-ci ildən başlayan Hiks Trampın qızı İvankanın şirkətində də işləyib.
Hikmət Həsənov
Ölkə.Az
