Ağacan Abıyev Vidadi İsgəndərlini rinqə çağırdı — ŞOK

Ağacan Abıyev Vidadi İsgəndərlini rinqə çağırdı
12:55
16.05.2018
3953
Siyasət
A
Azərbaycan Boks Federasiyasının vitse-prezidenti, Milli Məclisin İntizam Komissiyasının sədri, 80 yaşlı deputat Ağacan Abıyev bu dəfə Avropada mühacir həyatı yaşayan "hüquq müdafiəçisi" Vidadi İsgəndərlini rinqə çağırıb.

Deputat “Ölkə.Az”a açıqlamasında bildirib ki, Vidadi İsgəndərli də Azərbaycana qarşı söyüş kampaniyası aparan digər şəxslər kimi aradan çıxıb:

"İndi gedib xaricdən Azərbaycana qarşı söyüş söyürlər. Vidadi də Orduxan kimi aradan çıxıb, indi xaricdən söyüş söyür. Əgər Vidadi İsgəndərli burada olsaydı, mən onu rinqə çağırardım. Mən Orduxanı da rinqə çağırmışdım. İndi bu adam da gəlib mənimlə üzbəüz oturub normal söhbət etsin, ilk növbədə onunla intelektual debat keçirək. Əgər Vidadi İsgəndərli söhbətlə başa düşməsə, o zaman onu rinqə çağıracam. Ümumiyyətlə, belə adamları əvvəlcə söhbət rinqinə çağırmaq lazımdır. Əgər söhbətlə başa düşməsələr, sonra əsl rinqə çağırıb səhv olduğunu başa salırsan. Yəni, göstərirsən ki, bax biz beləyik: sizin kimi tərbiyəsiz adamları həm söhbətlə, həm də rinqdə döyürük".

Ağacan Abıyev qeyd edib ki, heç bir insanın başqa adamı təhqir etməyə ixtiyarı yoxdur:

"Vidadi İsgəndərlinin ağızından küçə söyüşləri yağır, normal ifadələrlə danışmağı bacarmır, gah deputatları, gah da nazirləri təhqir edir. Ona kim ixtiyar verir ki, başqa adamları təhqir etsin? Bu cür hərəkətlər yolverilməzdir".

Xatırladaq ki, Ağacan Abıyev bu yaxınlarda "video-bloger" Orduxan Teymurxanı da rinqə çağırıb.

Vasif Həsənli
Ölkə.Az

ŞƏRH YAZ
0

İlham Əliyev Belarusdadır

İlham Əliyev Belarusdadır
22:47
18.11.2018
1099
Siyasət
A
Azərbaycan Respublikasının Prezidenti İlham Əliyev noyabrın 18-də Belarus Respublikasına rəsmi səfərə yollanıb.

“Ölkə.Az” xəbər verir ki, hər iki ölkənin dövlət bayraqlarının dalğalandığı Minsk Milli Aeroportunda dövlətimizin başçısının şərəfinə fəxri qarovul dəstəsi düzülüb.

Azərbaycan Prezidenti İlham Əliyevi Belarusun Baş nazirinin müavini Mixail Rusiy və digər rəsmi şəxslər qarşılayıblar.

Ölkə.Az

ŞƏRH YAZ
0

“Avropa daha güclü və müstəqil olmalıdı” — Makron

“Avropa daha güclü və müstəqil olmalıdı”
20:38
18.11.2018
1559
Siyasət
A
“Avropa daha güclü və daha müstəqil hala gəlməlidi”.

“Ölkə.Az” xarici KİV-ə istinadən xəbər verir ki, bu sözləri Fransa Prezidenti Emmanuel Makron söyləyib.

Fransa Prezidenti Almaniya Federal Məclisində Birinci Dünya müharibəsində həyatını itirənləri anma mərasimində çıxış edib. O, Avropanın xüsusilə Almaniya və Fransanın dünyada xaosun artmasına icazə verməməli olduğunu bildirib. Makron Almaniyanı Avropada baş qaldıran millətçiləklə mübarizədə daha çox səy göstərməyə çağırıb.

Ölkə.Az

ŞƏRH YAZ
0
BAĞLA