Ağacan Abıyev Vidadi İsgəndərlini rinqə çağırdı — ŞOK

Ağacan Abıyev Vidadi İsgəndərlini rinqə çağırdı
12:55
16.05.2018
4051
Siyasət
A
Azərbaycan Boks Federasiyasının vitse-prezidenti, Milli Məclisin İntizam Komissiyasının sədri, 80 yaşlı deputat Ağacan Abıyev bu dəfə Avropada mühacir həyatı yaşayan "hüquq müdafiəçisi" Vidadi İsgəndərlini rinqə çağırıb.

Deputat “Ölkə.Az”a açıqlamasında bildirib ki, Vidadi İsgəndərli də Azərbaycana qarşı söyüş kampaniyası aparan digər şəxslər kimi aradan çıxıb:

"İndi gedib xaricdən Azərbaycana qarşı söyüş söyürlər. Vidadi də Orduxan kimi aradan çıxıb, indi xaricdən söyüş söyür. Əgər Vidadi İsgəndərli burada olsaydı, mən onu rinqə çağırardım. Mən Orduxanı da rinqə çağırmışdım. İndi bu adam da gəlib mənimlə üzbəüz oturub normal söhbət etsin, ilk növbədə onunla intelektual debat keçirək. Əgər Vidadi İsgəndərli söhbətlə başa düşməsə, o zaman onu rinqə çağıracam. Ümumiyyətlə, belə adamları əvvəlcə söhbət rinqinə çağırmaq lazımdır. Əgər söhbətlə başa düşməsələr, sonra əsl rinqə çağırıb səhv olduğunu başa salırsan. Yəni, göstərirsən ki, bax biz beləyik: sizin kimi tərbiyəsiz adamları həm söhbətlə, həm də rinqdə döyürük".

Ağacan Abıyev qeyd edib ki, heç bir insanın başqa adamı təhqir etməyə ixtiyarı yoxdur:

"Vidadi İsgəndərlinin ağızından küçə söyüşləri yağır, normal ifadələrlə danışmağı bacarmır, gah deputatları, gah da nazirləri təhqir edir. Ona kim ixtiyar verir ki, başqa adamları təhqir etsin? Bu cür hərəkətlər yolverilməzdir".

Xatırladaq ki, Ağacan Abıyev bu yaxınlarda "video-bloger" Orduxan Teymurxanı da rinqə çağırıb.

Vasif Həsənli
Ölkə.Az

ŞƏRH YAZ
0

Zimbabvenin Prezidenti Azərbaycanda səfərdədir

Zimbabvenin Prezidenti Azərbaycanda səfərdədir
18:51
Bu gün
1185
Siyasət
A
Zimbabve Respublikasının Prezidenti Emmerson Mnanqaqva yanvarın 18-də Azərbaycan Respublikasına işgüzar səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Zimbabve Respublikasının Prezidenti Emmerson Mnanqaqvanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Ramiz Həsənov və digər rəsmi şəxslər qarşılayıblar. 

Ölkə.Az

ŞƏRH YAZ
0

ƏƏSMN-in qurumlarından 1-i ləğv edilir, 3-ü birləşdirilir — SİYAHI

ƏƏSMN-in qurumlarından 1-i ləğv edilir, 3-ü birləşdirilir
18:49
Bu gün
1072
Siyasət
A
Əmək və Əhalinin Sosial Müdafiəsi Nazirliyinin tabeliyindəki qurumlardan 1-i ləğv edilir, 3-ü isə birləşdirilir.

“Ölkə.Az” xəbər verir ki, bu, Prezident İlham Əliyevin imzaladığı Əmək və Əhalinin Sosial Müdafiəsi Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərmanda əksini tapıb.

Fərmana əsasən, Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi Tədqiqat və Tədris Mərkəzi ləğv edilir. Bununla bağlı Nazirliyə bir ay müddətində tədbirlər görməsi tapşırığı verilib. 

Eyni zamanda Nazirlər Kabineti Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun nəzdində Yetkinlik yaşına çatmamış görmə imkanı məhdud şəxslər üçün Bərpa Mərkəzi, Baxımsız, kimsəsiz və sosial təhlükəli vəziyyətdə olan yetkinlik yaşına çatmayanlar üçün Sosial Sığınacaq və Reabilitasiya Müəssisəsi və Yaşayış yeri olmayan 18 yaşdan yuxarı şəxslər üçün Sosial Sığınacaq sosial xidmət müəssisələrinin əsasında vahid qurumun yaradılmasını bir ay müddətində təmin etməli və bu barədə Prezidentə məlumat verməlidir. 

Əmək və Əhalinin Sosial Müdafiəsi Nazirliyinə hər üç müəssisədə işləyən işçilərin bu fərmana əsasən yaradılacaq vahid qurumda müvafiq vəzifələrə təyin edilməsi ilə bağlı tədbirlər görmək, bu fərmanda nəzərdə tutulan tədbirlərin nəticəsi barədə bir ay müddətində Prezidentə məlumat vermək tapşırılıb. 

Ölkə.Az

ŞƏRH YAZ
0
BAĞLA