"Ağamirzə məni narkoloji dispanserə yerləşdirdi" — Məşhur meyxanaçının SƏHHƏTİ PİSLƏŞDİ

12:31
15.04.2019
40331
Maqazin
A
Məşhur meyxanaçı Mahir Cürətin səhhəti pisləşib.

Bu barədə "Ölkə.Az"-a söz ustadının özü məlumat verib:

"Mətbuatın məni yada salmağı, axtarmağı mənəvi şəfayətdir. Bir az xəstəxanada yatdım, gördüm ki, ora mənlik deyil. Ağ ciyərimdə nəfəs çatışmazlığı var, bronxial astmadan əziyyət çəkirəm. Yol yeriyəndə, oturduğum yerdə təngənəfəs oluram. Həm də Aydının ölümünü eşidəndə psixi sarsıntı keçirmişdim. Ondan sonra üç gün vəziyyətim çox ağır oldu". 

Mahir Cürət ad çəkməsə də, bəzi insanlardan gileyli olduğunu da gizlətməyib:

"Müəyyən şeylər var ki, insan dilinə gətirə bilmir. Aydın ölənə qədər yanında ölən mən... Yerdə qalan hər kəs özü bilər. Aydının dərdini mən bilirdim, sonra hamı özünü dost kimi təqdim etdi. Aydının mənə vəsiyyəti də olmuşdu. Amma bunu açıqlaya bilmərəm. Heç bir həmkarımdan narazı deyiləm, hamının da xətrini istəyirəm. Həmkarlarımdan mənimlə daha çox Ağamirzə maraqlanır. O, bizim hamımızın ustadıdır, xətrini çox istəyirik. Yeganə adamdır ki, onu ustad kimi qəbul edirik". 

Söz ustadı bildirib ki, Ağamirzənin sayəsində bir müddət öncə Maştağadakı narkoloji dispanserə yerləşdirilibmiş:

"Anam Ağamirzəyə zəng vurmuşdu ki, Aydından sonra Mahirin vəziyyəti daha da pisləşib. Ağamirzə də Maştağadakı narkoloji dispanserlə danışmışdı. Orada da üç gün qaldım. Çünki həmin dispanserdə həddindən artıq ağır xəstələr müalicə olunur. İndi də dərmanlarımı qəbul edirəm. Yeni səs yazıları hazırlayıram, inşallah, sağalıram". 

Qeyd edək ki, Mahir Cürət ANS-in təşkil etdiyi ilk "De, gəlsin!" meyxana yarışmasının laureatlarından olub. 


İntiqam VALEHOĞLU

ŞƏRH YAZ
0

Zülfiyyə Xanbabayevanın evindən oğurluq edən xadiməyə hökm oxundu

Zülfiyyə Xanbabayevanın evindən oğurluq edən xadiməyə hökm oxundu
20:36
Bu gün
270
Maqazin
A
Nəsimi Rayon Məhkəməsində Xalq artisti Zülfiyyə Xanbabayevanın evindən oğurluq etməkdə təqsirləndirilən xadimə Əntiqə Şirinovanın cinayət işi üzrə məhkəmə prosesi başa çatıb.

"Ölkә.Az" bildirir ki, hakim Şəlalə Həsənovanın sədrliyi ilə keçirilən prosesdə hökm oxunub. 

Hökmə əsasən, Ə.Şirinova barəsində 1 il 6 ay müddətinə azadlığın məhdudlaşdırılması cəzası təyin edilib. 

Qeyd edək ki, Ə.Şirinova 2013-cü ildən 2018-ci ilədək Z.Xanbabayevanın Azadlıq prospektində yerləşən evində qulluqçu işləyib. Ə.Şirinova evdən müğənniyə məxsus 2000 manat məbləğində paltar, 600 manat məbləğində kosmetika, 1520 manat məbləğində nağd pul vəsaitini oğurlayıb.

Ölkә.Az

ŞƏRH YAZ
0

Şeymadan Acun etirafı — Kaş yaşıd olaydıq

Şeymadan Acun etirafı
16:15
Bu gün
4549
Maqazin
A
Acun İlıcalıdan boşandıqdan sonra kitab yazan Şeyma Subaşı şəxsi həyatı barədə maraqlı hissələri qələmə alıb.

“Ölkə.Az” xəbər verir ki, kitabda “Kaş eyni yaşda olaydıq deyə dua etdiyim gecəni xatırlayıram” hissəsi diqqətə səbəb olub.

Boşanmadan sonra yazdığı kitab tənqidlərə səbəb olan Şeyma Subaşı kitabı özünün yazmadığını, hekayələri redaktorlara danışdığını və onlar tərəfindən qələmə alındığını etiraf edib.

“Tənha idim. Fiziki və psixoloji cəhətdən çox tənha idim. Kaş ki, eyni yaşda ola bilsəydik deyə dua etdiyim gecəni xatırlayıram. Hər şeyin sonuna gəlmiş kimi hiss edir insan özünü. Elə bil ki, qara dəlikdəsən. Badam gözlü qızımın sayəsində  o qara dəlikdən çıxdım. Bəzi səhvlər etsək də, sonradan bir-birimizə sərbəstlik verdik. Nə yaxşı ki, etdik”, - deyə kitabda bu barədə yazılıb.

Ölkə.Az

ŞƏRH YAZ
0
BAĞLA