Ağcabədidə tanınmış və nüfuzlu şəxslər elektrik enerjisi oğurluğu ilə məşğul olur

Ağcabədidə tanınmış və nüfuzlu şəxslər elektrik enerjisi oğurluğu ilə məşğul olur
11:55
14.11.2017
1276
Ölkə
A
Ağcabədi rayonunda elektirk enerjisindən oğurluq edənlər arasında tanınmış və nüfuzlu şəxslər də var.

"Ölkə.Az" Report-a istinadən xəbər verir ki, bu barədə ARAN Regional Enerji Təchizatı və Satışı İdarəsinin Ağcabədi rayon Elektrik Şəbəkəsi tərəfindən sakinlərə edilən xəbərdarlıq elanında bu barədə qeyd olunub.

Xəbərdarlıq elanında həmçinin qeyd olunub ki, sayğacdan kənar elektrik enerjisindən istifadə hallarına qarşı mütamadi reydlər təşkil olunacaq: “Son zamanlar ARAN Regional Enerji Təchizatı və Satışı İdarəsinin nümayəndələrinin Ağcabədi rayonunda keçirtdiyi reydlər və anonim müraciətlər əsasında yerində aparılmış yoxlamalarda bir qrup istehlakçının elektrik enerjisindən sayğacdan kənar istifadə halları aşkar edilib. Belə istifadəçilər arasında hətta rayonda tanınmış və ya özünü nüfuzlu hesab edən şəxslər də var. Tərəfimizdən davamlı olaraq gündüz və gecə reydləri təşkil olunacaq! Belə reydlərdə aşkar olunan işıq oğurluğu hallarının video materialı bir sıra KİV-də içtimai qınağa təqdim edilməklə hüquq mühafizə orqanlarına veriləcək. Bu məsuliyyət elektrik enerjisindən sayğacdan kənar istifadə edən şəxslərin üzərinə düşür”.

Xəbərdarlıq elanında bildirilib ki, sayğacdan kənar xətt vasitəsi ilə elektrik enerjisindən oğurluq edənlərin ifşa edilməsində yadımçı olan şəxslər anonimliyi qorunmaqla mükafatlandiracaq.

ŞƏRH YAZ
0

QMİ 20 Yanvarla bağlı bəyanat yaydı

QMİ 20 Yanvarla bağlı bəyanat yaydı
11:20
Bu gün
148
Ölkə
A
Qafqaz Müsəlmanları İdarəsi (QMİ) 20 Yanvar faciəsinin 28-ci ildönümünü ilə əlaqədar bəyanat yayıb.

Bu barədə "Ölkə.Az"a QMİ-nin mətbuat xidmətindən məlumat verilib.Bəyanatda deyilir: 

“Tarixi yaddaşımıza dərin hüzn, eyni zamanda, milli qürur və qəhrəmanlıq məktəbi kimi həkk olmuş qanlı Yanvar faciəsinin 28-ci ildönümü ərəfəsindəyik. Azərbaycan dövlətçiliyinin bərpası uğrunda qurban getmiş, Allah-təala nəzərində ən yüksək məqamlardan sayılan şəhidlik zirvəsinə ucalmışlara ehtiramımız əbədidir.

20 Yanvar bizi müstəqilliyə, milli və dini dəyərlərin bərpasına aparan yolun ilk mübarizəsi və ilk mənəvi qələbəsi oldu. Təpədən dırnağadək silahlanmış ordunun cəza tədbirlərinə məruz qalan xalqımız diz çökmədi, azadlıq əzmini itirmədi, əksinə, haqq səsini daha da yüksəkdən bəyan etdi. Azərbaycanın taleyi, hətta xəritədəki varlığı şübhə altında olduğu bir vaxtda bu səsi ilk olaraq Moskvadan xalqımızın mərd oğlu, müdrik dövlət xadimi Heydər Əliyev ucaltdı, qanlı cinayətin təşkilatçılarını qəzəblə ittiham etdi, törədilmiş hadisəni hüquqa, demokratiyaya, humanizmə zidd təxribat kimi səciyyələndirdi. Bakıda isə şeyxülislam Allahşükür Paşazadə keçmiş SSRİ prezidenti Mixail Qorbaçova göndərdiyi qəzəb dolu məktubunda hadisələrə sərt və prinsipial münasibətini bildirdi. Siyasi liderimizin və dini rəhbərimizin kəskin mövqeləri xalqı ruhlandırdı, səfərbər edərək birləşdirdi. Bir milyondan artıq insan təqiblərdən, hətta ölümdən belə qorxmayaraq şəhərin baş meydanına axışdı, azadlıq ugrunda qurban getmiş şəhidləri müqəddəs Vətən torpağına tapşırdı.

Qafqaz Müsəlmanları İdarəsi qanlı hadisələrin ilk günündən var qüvvəsi ilə çalışdı ki, Qarabağ münaqişəsinin davamı olan 20 Yanvar faciəsini dünya ictimaiyyətinə, nüfuzlu beynəlxalq təşkilatlara çatdırsın, haqq işimizə dəstək qazansın, törədilən cinayət insaniyyətə qarşı yönəldilən amansız cinayət tədbiri kimi qiymətləndirilsin. Dünya bilməlidir ki, XX əsrdə totalitarizmin törətdiyi ən qanlı terror aktları sırasında Azərbaycan xalqına qarşı kütləvi terror - Qarabağ münaqişəsi, Xocalı soyqırımı, 20 Yanvar cinayəti də var. Təəssüflər olsun ki, dünyada problemlərə qərəzli, ikili standartlar çərçivəsində yanaşıldığından, bəzi ölkələr və beynəlxalq təşkilatlar susmağa üstünlük verməkdədirlər.

Bu gün hər bir azərbaycanlının boynunda şəhid haqqı var. Azərbaycanın müstəqilliyi uğrunda şəhid olmuşlar sırasında müxtəlif din və millətlərə mənsub vətəndaşlarımız da var. Biz şəhid ailələrini unutmuruq və heç zaman unutmayacağıq. Şəhidlərin ruhuna ən böyük töhfə müstəqilliyimizin davamlılığı, Qarabağ zəfəri, Vətənimizin qüdrəti və xalqımızın səadətidir. Biz inanırıq ki, Allahın köməyi və möhtərəm Prezidentimiz, Ali Baş Komandan İlham Əliyevin rəhbərliyi ilə millətimiz öz ülvi arzularına yetişəcək, doğma torpaqlarımız işğaldan azad olunacaq, Azərbaycanın hər yerində qələbə şəninə bayram namazları qılınacaq, inşallah.

Qafqaz Müsəlmanları İdarəsi bütün Qafqaz müsəlmanlarının adından 20 Yanvar şəhidlərinin, eləcə də Vətənimizin bütövlüyü və milli müstəqilliyimiz uğrunda canlarını fəda etmiş bütün şəhid ailələrinə dərin hüznlə başsağlığı verir. Bu ümummilli hüzn, eyni zamanda, xalqımızın birlik və vəhdətini təcəssüm etdirən qürurlu tarixin ildönümü gününü yüksək səviyyədə qeyd etmək, şəhidlərimizin əziz ruhlarını anmaq bütün vətəndaşların, o cümlədən, dindarların Allah, Vətən qarşısında müqəddəs borcudur. Qafqaz Müsəlmanları İdarəsi məscidlərdə 20 Yanvar günü bu bəyanatın mətninin oxunmasını, Qarabağ, 20 Yanvar həqiqətləri barədə moizələr edilməsini, əziz şəhidlərimizin xatirəsini dualarla yad etməyi vacib sayır. Uca Allah 20 Yanvar şəhidlərinə rəhmət eləsin!”.

ŞƏRH YAZ
0

Kamran Əliyev: “15 milyonluq əmlaka həbs qoyulub”

Kamran Əliyev: “15 milyonluq əmlaka həbs qoyulub”
10:47
Bu gün
344
Ölkə
A
Korrupsiyada ittiham olunan şəxslərin 15 milyon 381 min manat məbləğində əmlakına həbs qoyulub.

"Ölkə.Az"ın APA-ya istinadən məlumatına görə, bu barədə Baş prokurorun müavini - Baş prokuror yanında Korrupsiyaya qarşı Mübarizə Baş İdarəsinin rəisi Kamran Əliyev bildirib.

K. Əliyev deyib ki, məhkəmələrə göndərilmiş cinayət işləri üzrə 83 milyon 486 min manat ziyanın ibtidai araşdırma mərhələsində 27 milyon 575 min manatının və ya 33.03%-nin ödənilməsi təmin edilib, qalan ziyanın ödənilməsini təmin etmək məqsədilə 15 milyon 381 min manat məbləğində əmlak üzərinə həbs qoyulması ilə yanaşı, qanunla nəzərdə tutulmuş digər tədbirlər görülüb.

 Kamran Əliyev həmçinin bildirib ki, bu gün korrupsiyada ittiham olunan 44 nəfər axtarışdadır, onlardan 34-ü İnterpol xətti ilə axtarılır.

Baş prokurorun müavini - Baş prokuror yanında Korrupsiyaya qarşı Mübarizə Baş İdarəsinin rəisi  qeyd edib ki, istintaqı aparılan cinayət işlərinin daha bir hissəsi tikinti sektoru ilə bağlıdır. Yerdə qalanlar isə müxtəlif sahələrlə bağlı işlərdir. Hazırda Korrupsiyaya qarşı Mübarizə Baş İdarəsində 141 cinayət işinin istintaqı aparılır. Həmin cinayət işlərinin 12 faizi bank və bank olmayan kredit təşkilatları ilə bağlıdır.

ŞƏRH YAZ
0
BAĞLA